Wednesday, December 29, 2004

கடலோர கிராமங்கள் - தற்போதைய நிலவரம்



கடலூர், நாகப்பட்டினம், மயிலாடுதுறை போன்ற பகுதிகளிலிருக்கும் முகாம்களில் உணவு, உடை, மருந்துகள் போன்ற உதவிகள் வந்து குவிந்த வண்ணம் உள்ளதாக அங்கிருந்து வரும் செய்திகள் தெரிவிக்கின்றன. உடைகளை பொறுத்தவரையில் ஏராளமாக குவிவதால் மேற்கொண்டு சேகரிப்பது....தற்போதைக்கு அவசியமில்லை என்று நினைக்கிறேன். எனவே, அன்பர்கள் சேகரித்த பழைய ஆடைகளை ஆங்காங்கே வைத்துக்கொள்ளுமாறு கேட்டுக்கொள்கிறேன். தேவைப்படும் நேரத்தில் நானே வந்து வாங்கிக்கொள்கிறேன். இவ்வார இறுதியில் பாதிக்கப்பட்ட பகுதிகளை சுற்றிப் பார்த்துபின்பு நம்மால் ஒரு முடிவுக்கு வரமுடியும் என்று நினைக்கிறேன்.

வெளிநாடுகளிலிருந்து இணைய நண்பர்கள் போன் மூலம் தங்களது அனுதாபங்களை தெரிவித்தவண்ணம் உள்ளனர். நண்பர் பி.கே.சிவகுமாரின் உதவியால் பாதிக்கப்பட்டவர்களுக்கு கொடுக்க ஆயிரம் பெட்ஷீட்கள் இணைய நண்பர்கள் சார்பாக கரூரிலிருந்து பெறப்பட்டு பூம்புகார் மற்றும் தரங்கம்பாடியை ஒட்டியுள்ள கடற்கரையோர கிராமங்களுக்கு விநியோகிக்கும் திட்டம் இரண்டு நாட்களில் முழுமை பெற்றுவிடும்.

சீர்காழி பகுதியில் புதுக்குப்பம் என்ற கிராமத்தில் மீனவர் குப்பம் அழிந்ததால் 600 பேர் இறந்துவிட்டனர். பூம்புகாரை சுற்றியிருக்கும் மேலையூர், வாணகிரி போன்ற கிராமப்பகுதிகளிலும் வெகு சிலரே எஞ்சி இருக்கின்றனர். சீர்காழியிலிருந்து தரங்கம்பாடி வரையுள்ள கிழக்கு கடற்கரையோர கிராமத்தில் 500 மீட்டர் தொலைவிலிருக்கும் எல்லா இருப்பிடங்களும் அழிந்து விட்டதாக அங்கிருந்து வரும் செய்திகள் தெரிவிக்கின்றன. மீட்பு பணிகள் தொடர்ந்து நடைபெற்று வருகிறது. இன்றுடன் அனைத்து சடலங்களையும் மீட்டுவிட முடியும் என்றே சம்பந்தப்பட்டவர்கள் நம்பிக்கை தெரிவிக்கின்றனர்.

பாதிக்கப்பட்ட அனைத்து மக்களுக்கும் தற்போது போதுமான உதவிகள் கிடைத்துவருகின்றன. இதே நிலை இன்னும் ஒரு வாரத்துக்கு தொடரும் என்று நம்பலாம்.

எனவே, இணைய நண்பர்கள் நிதியுதவி செய்வதற்கு கால அவகாசம் நிறைய இருக்கிறது. பத்து நாட்களில் நிஜமான நிலை தெரிந்து விடும். அதற்கு பின்னர் மிகவும் மோசமாக பாதிக்கப்பட்டிருக்கும் கிராமத்தை தத்தெடுத்து அதற்கு தேவையான அனைத்து வசதிகளும் செய்து கொடுப்பது நல்ல யோசனையாக இருக்கும் என்று நம்புகிறேன். இணைய நண்பர்கள் தங்களது கருத்துக்களை தயவு செய்து தங்களது கருத்துக்களை தெரிவிக்கவும்.

7 comments:

  1. இணைய நண்பர்கள் அனைவரும் தம்மாலான உதவிகளை நிச்சயம் செய்வார்கள். வீடிழந்து, பொருள் இழந்து, சுற்றம் இழந்து தவிக்கும் நமது சொந்தங்களுக்கு நம்மாலான சிறு உதவியும்கூட இச்சமயத்தில் பேருதவியாக அமையும். உங்களின் ஈடுபாடு நிச்சயம் போற்றப்படவேண்டிய ஒன்று.

    அன்புடன்,
    மூர்த்தி.

    ReplyDelete
  2. அன்புள்ள ராம்கி அவர்களே,

    உங்கள் சுயநலமற்ற சேவை சிறக்கட்டும். களப்பணியில் இருக்கும் உங்கள் எழுத்துக்களைப் பார்க்கும் போது ஆறுதல் பிறக்கிறது. தொடர்ந்து நிலமைகளை எழுதி வாருங்கள். நாங்களும் கைக் கொடுக்கிறோம்.

    அன்புடன் விஜய்

    ReplyDelete
  3. Ramki,

    In this situation, Physical help to those affected will be of paramount importance. I only pity myself that i could not be there physically to give a hand with you.

    God bless you and all the volunteers. Wish I could have been there as well.

    ReplyDelete
  4. நண்பர்களே,

    இதில் பாராட்டுவதற்கு ஒன்றுமில்லை. இணையத்தில் எழுதுவது மட்டுமில்லாமல் வலைப்பூ பதிவாளர்கள் ஒன்று சேர்ந்து ஏதாவது உருப்படியாக சமூகத்திற்கு செய்ய முடியும் என்கிற நம்பிக்கை ஏற்பட்டிருக்கிறது. அதுதான் நமது முதல் வெற்றி. ஆண்டவனுக்கு நன்றி சொல்வோம்!

    ReplyDelete
  5. ராம்கி,
    உங்களுக்கு ஒரு மின்னஞ்சல் அனுப்பியுள்ளேன். பார்க்கவும்.
    -கண்ணன்

    ReplyDelete
  6. வலைப்பதிவினரைக் கொண்டு ஒரு கிராமத்தை மீள எழுப்புதல் நல்ல பணி. மேற்கொண்டு விபரமறிய ஆவல்.

    ReplyDelete
  7. அன்பு நண்பர் ராம்கிக்கு
    வணக்கம். இந்த கட்டுரை அருமை. நேரில் போய்வந்து பார்த்து எழதியது மனதிற்கு சற்று ஆறுதலை
    தருகிறது. உங்களது சேவைக்கு மனபூர்வமான வாழ்த்துகள் மிக்க நன்றி.
    மயிலாடுதுறை சிவா...

    ReplyDelete