சுயபுராணம்


Ramakrishnan Jayabalan (Ramki), Chennai based DevOps Consultant, Quality Analyst, Tamil Writer, Heritage Enthusiast & the Fan 🤘

ஜெ. ராம்கி என்னும் புனைப்பெயரில் எழுதிவரும் ஜெ. ராமகிருஷ்ணன், மயிலாடுதுறையைச் சேர்ந்தவர். எழுத்தாளர் மற்றும் சமூக நோக்கர். சென்னையில் மென்பொருள் வல்லுநராக பணிபுரிகிறார். இணையத்திலும், தமிழ்ப் பத்திரிக்கைகளிலும் கடந்த இருபது ஆண்டுகளாக தொடர்ந்து எழுதி வருகிறார். இவரது கட்டுரைகள், சிறுகதைகள், துணுக்குகள், கேள்வி பதில்கள் போன்ற பங்களிப்புகள் குமுதம், ஆனந்த விகடன், குங்குமம், கல்கி, இந்தியா டுடே, இதயம் பேசுகிறது உள்ளிட்ட முன்னணி பத்திரிக்கைகளில் இடம்பெற்றுள்ளன. ஜெயலலிதா, கருணாநிதி உள்ளிட்ட தமிழகத்தின் முக்கியமான ஆளுகைகள் குறித்து இவர் எழுதியுள்ள புத்தகங்கள் பெரிய அளவில் கவனத்தைப் பெற்றிருக்கின்றன. 

ரஜினியின் அரசியல் குறித்து இவர் எழுதிய முதல் புத்தகம் 2005ல் வெளியாகி பெரும் வரவேற்பைப் பெற்றது. மு.க என்னும் தலைப்பில் தமிழக முதல்வர் கலைஞர் கருணாநிதி குறித்த அலசல் புத்தகத்தின மூலமாக பரவலாகப் பேசப்பட்டார். அதைத் தொடர்ந்து இவர் எழுதிய பாகவதர் என்னும் எம்.கே. தியாகராஜ பாகவதரின் வாழ்க்கை குறித்த புத்தகமும், ஜெ என்னும் தலைப்பில் முன்னாள் தமிழக முதல்வர் ஜெயலலிதா குறித்து எழுதிய புத்தகமும் இவரது எழுத்துலக வாழ்க்கையில் குறிப்பிடத்தக்கவை.

மொழிபெயர்ப்புத்துறையிலும் தனது பங்களிப்புகளை தொடர்ந்து மேற்கொண்டு வருகிறார். எமர்ஜென்ஸி : ஜெ.பியின் ஜெயில் வாசம் என்னும் தலைப்பில் ஜெயப்பிரகாஷ் நாராயணனின் சண்டிகர் சிறைவாசம் குறித்த ஒரு ஆங்கிலப் புத்தகத்தை தமிழில் மொழிபெயர்த்திருக்கிறார். அதைத் தொடர்ந்து ஐரம் ஷர்மிளாவின் அதிகாரப்பூர்வ வரலாற்றை ஆங்கிலத்திலிருந்து தமிழில் மொழிபெயர்த்திருக்கிறார்.  

ஜெ. ராம்கியின் மன்மோகன்சிங் குறித்த புத்தகம், காவிரியின் கதை, ம.தி.மு.கவின் வரலாறு, இண்டர்நெட் இயங்குவது எப்படி? உள்ளிட்ட புத்தகங்களும் வரவேற்பைப் பெற்றிருக்கின்றன. இளம் எழுத்தாளருக்கான திருப்பூர் கலை இலக்கியப் பெருமன்றத்தின் விருதையும் இவர் பெற்றிருக்கிறார்.

Books are available @ NHM - Dial for Books