Monday, February 14, 2005

அ.மி - அரை செஞ்சுரி

கடந்த பத்தாண்டுகளாகத்தான் நான் பேட்டி காணக்கூடியவனாக நினைக்கப்பட்டிருக்கிறேன். பேட்டி காண வருபவர்கள் ஒருவர் தவறாமல் அவர் காணும் பேட்டி மிகவும் வித்தியாசமானது என்றுதான் சொல்வார். ஆனால் ஓரே மாதிரிக் கேள்விகள். அல்லது ஓரே மாதிரிப் பதில்களைப் பெறக்கூடும் கேள்விகள். உண்மையில் இந்தப் பேட்டிகளில் பேட்டி காணப்படுபவரை விட பேட்டி காண்பவரின் நோக்கம்தான் நன்கு வெளிப்படுகிறது. ஆரம்பத்தில் அச்சில் என்னுடைய பேட்டிகளைக் கண்டு நான் திகைத்துப் போயிருக்கிறேன். இப்போது பதில்களை எழுதிக் கொடுத்துவிடுவது அதனால்தான்.

- அசோகமித்திரன். நன்றி - நவீன விருட்சம்



எழுத்துலகில் அரை செஞ்சுரி அடித்திருக்கும் அசோகமித்திரனின் எழுத்தில் மட்டுமல்ல பேச்சிலும் தன்னடக்கம்தான். என் மனைவி இதையெல்லாம் பார்த்தால் என்ன இது என்று அற்பமாக பார்ப்பாரே என்பதை முகபாவத்துடன் அவர் சொன்ன விதம் காலாகாலத்துக்கும் மறக்காது. அந்த நகைச்சுவையும், அலங்காரமில்லாமல் உள்ளதை உள்ளபடியே சொல்லும் நடையும் வாசகர்களை மட்டுமல்ல ஆயிரக்கணக்கான எழுத்தாளர்களையும் கவர்ந்திருக்கிறது. அசோகமித்திரன் நிச்சயம் ரைட்டர்ஸ் ரைட்டர்தான்!

ஏகப்பட்ட இரைச்சலின் பின்னணியில் அசோகமித்திரனை படிக்க வைத்ததும், அவரது முகத்துக்கு நேராக காமிரா ஆங்கிள் வைத்து சினிமாத்தனம் காட்டியதும் அம்ஷன்குமாரின் குறும்படம் கொடுத்த எரிச்சல். அசோகமித்தரன் கையெழுத்துப் போடும் ஸ்டைலிலேயே டைட்டிலை அமைத்தது வித்தியாசமான ஐடியா. ஆடியன்ஸ் எல்லோரும் குறும்படத்தை கவனித்துக்கொண்டிருந்த நேரத்தில் துறுதுறவென்று இருந்த தனது பேரனை கட்டுக்குள்க் கொண்டுவருவதிலேயே அசோகமித்திரன் சிரத்தையாக இருந்தார்.

அசோகமித்திரனின் எழுத்துநடையிலேயே ஒரு மினி லெக்சர் கொடுத்து அசத்தியது சுந்தர ராமசாமி! இலக்கிய உலகத்தில் அபூர்வமான நேரம் அது. சு.ராவின் ஸ்டைலான எள்ளல் கொஞ்சம் தூக்கலாக இருந்தது என்கிற முணுமுணுப்புகளை ஒதுக்கிவிடலாம். எத்தனையோ முறை கமல்ஹாசன் என்கிற படைப்பாளியை பாராட்டியிருந்தாலும் பரஸ்பரம் ரஜினி என்கிற படைப்பாளியை பாராட்ட கமல்ஹாசனுக்கு இருக்கிற தயக்கத்தையெல்லாம் பார்க்கும்போது இதெல்லாம் ச்சும்மா!

அவசரமாக பேசினாலும் ஆழமாக பேசியது பால்சக்கரியா. மலையாளிகளை விட தமிழ்நாட்டுக்காரங்க எவ்வளவோ மேல் என்கிற ரீதியில் அவர் எழுதியிருந்த காலச்சுவடு கட்டுரைதான் ஞாபகத்துக்கு வந்தது. அசோகமித்திரனின் 'தண்ணீர்' பற்றி அழகான ஆங்கிலத்தில் பேசினார். அடிக்கடி சென்னை தண்ணீரை விரும்பி வாங்கி குடித்தார்....அபூர்வ பிறவி!

அசோகமித்திரன் டீ மட்டும்தான் சாப்பிடுவார்; சுந்தர ராமசாமி காபி மட்டுமே சாப்பிடுவார் என்கிற அதிமுக்கிய பிரத்யேக தகவ¦ல்லாம் கைவசமுண்டு. எழுதினால் அடிக்க ஆள்வரும் என்பதால் எஸ்கேப்பாகிவிடுகிறேன். நேரமில்லாததால் ஞானக்கூத்தனின் கவிதைக்கான பொழிப்புரை கிடைக்கவில்லை. மேடையிலிருந்த பரபரப்பில் கவிஞர் வைத்தீஸ்வரனின் பேச்சையும் கவனிக்க முடியவில்லை. ஆறு மாதங்களாக தேடிக்கொண்டிருந்த அழகிய சிங்கர் வசமாக என்னிடம் மாட்டிக்கொண்டார். நிறைய இணைய தலைமுறையை பார்த்தில் வந்த ஆச்சர்யம் அவரது முகத்தில் மிச்சமிருந்தது. கூடிய சீக்கிரம் இணைய தலைமுறைக்கு நவீன விருட்சமும் வழிகொடுக்கும் என்று நம்பலாம்.

பாராட்டு விழா நடக்கும் நாளில் அசோகமித்திரன் பற்றி 'கதாவிலாச'த்தில் வந்தது, நம்மைப் போலவே எஸ்.ராமகிருஷ்ணனுக்கும் ஆச்சர்யம்தானாம். உருவத்திலும் பேச்சிலும் படு இளமையாக இருக்கிறார் பிரபஞ்சன். இரா.முருகன், வெங்கடேஷ், சோம. வள்ளியப்பன் தலைமையில் இணைய நண்பர்கள் ஒருபக்கம். வழக்கம்போல பிரகாஷ்ஜி, சுரேஷ்ஜி, சித்ரன், சுவடு ஷங்கர் எல்லோரும் ஆஜர். புதிதாக அறிமுகமான டோண்டு ராகவனையும் உருப்படாதது நாராயணணையும் (என்ன தலைப்பைய்யா அது?) நேரில் பார்த்தது கூடுதல் போனஸ். எதிர்பார்த்திருந்த முக்கியமான இணைய நண்பர்களை காணவில்லை. சம்பந்தப்பட்டவர்களுக்கு கிழக்கு பதிப்பகத்தில் அர்ச்சனை ஒன்று காத்திருக்கிறது என்பதை முன்கூட்டியே அறியத்தருகிறேன்.

நிகழ்ச்சி ஆரம்பித்து கவிஞர் வைத்தீஸ்வரன் எல்லோரையும் வரவேற்றுப் பேசியதும் ஒரு பத்துப் பேர் பின் வரிசையில் வந்து உட்கார்ந்து கொண்டார்கள். அடுத்துப் பேச வந்தது காலச்சுவடின் கர்த்தா. திடீர் விருந்தினர்கள், சு.ராவின் பேச்சிற்கு ஏகப்பட்ட ரெஸ்பான்ஸ் காட்டி உற்சாகம் குறையாமல் பார்த்துக்கொண்டார்கள். சு.ரா பேசி முடித்து மேடையை விட்டு கீழிறங்கி உட்கார்ந்து கொண்டதும் பின்வரிசையே காலியாகிவிட்டது. டயமாயிடுச்சுன்னு கிளம்பிட்டாங்களோ என்னவே?!

கொசுறு - எளக்கியத்துக்கும் அரசியலுக்கும் சம்பந்தமில்லைன்னு இன்னும் யாராவது சொல்லிட்டு இருக்காங்களா?!

12 comments:

  1. எல்லாத்தையும் விட கடைசி ரெண்டு வரிதான் பிடிச்சுது.
    -வசந்தன்-.

    ReplyDelete
  2. போட்டீரே comparison! சு.ரா - கமல், கொஞ்சம் ஒக்கே! அசோக் மித்ரா - ரஜினி! ஹா!!

    ReplyDelete
  3. previous comment naan dhaanungo!

    ReplyDelete
  4. அண்ணே, உருப்படடதுன்னு பேரு வைச்சிக்கிட்டு, ஏதாவது சொதப்பியிருந்தேன்னா, என்னை மக்கள் டின் கட்டிடுவாங்க. அதனால தான், உருப்படாததுன்னு பேரு. இதுல இரட்டை நியாங்கள். நல்லது எழுதினா, பரவாயில்லையா, இந்த பேரை வைச்சுக்கிட்டு எழுதறான்யா அப்படின்னு பார்டர் மார்க்ல பாஸ் ஆயிறலாம். சொதப்பலா எழுதினாலும், பேருக்கு தகுந்த மாதிரிதான்யா எழுதறான்னு எஸ்கேப் ஆயிடலாம். ஆகவே.....

    ReplyDelete
  5. அண்ணே, உருப்படடதுன்னு பேரு வைச்சிக்கிட்டு, ஏதாவது சொதப்பியிருந்தேன்னா, என்னை மக்கள் டின் கட்டிடுவாங்க. அதனால தான், உருப்படாததுன்னு பேரு. இதுல இரட்டை நியாங்கள். நல்லது எழுதினா, பரவாயில்லையா, இந்த பேரை வைச்சுக்கிட்டு எழுதறான்யா அப்படின்னு பார்டர் மார்க்ல பாஸ் ஆயிறலாம். சொதப்பலா எழுதினாலும், பேருக்கு தகுந்த மாதிரிதான்யா எழுதறான்னு எஸ்கேப் ஆயிடலாம். ஆகவே.....

    ReplyDelete
  6. தம்பீ, இன்னொரு எளக்கிய சண்டையை கொண்டு வந்துடுவே போலிருக்கே! ஒருவேளை திடீர்னு ரஜினியை கமல் பாராட்டிட்டார்னா... (அது நடக்காத விஷயம்!) அது எள்ளல் மாதிரி தெரியுமேங்கிற அர்த்தத்துக்காக எழுதுனது. வேணாம் தம்பீ.. வுட்டுடு!

    ReplyDelete
  7. ராம்கி,
    ரஜினி-ன் புகழ்ச்சி எல்லா இடத்திலும் தேவைக்கு அதிகமாவே இருக்கும்..சமீபத்தில் ஜெ-வை அவர் புகழ்ந்த விதமே சாட்சி..

    ஒரே ஒரு உதாரணம்...

    "3 வருடங்களா கொடுக்காமல் நிறுத்தி வைத்திருந்த தமிழக அரசு சினிமா விருதுகளை இப்போ முதல்வர் ஒண்ணா அறிவிச்சிருகாங்களே!இது பற்றி உங்கள் கருத்து என்ன?"

    இதற்கு ரஜினியின் பதில் "Excellent step".

    இது என்ன அபத்தமான பதில்! 3 வருஷம் ஒழுங்கா கொடுத்திருந்தா 'Normal step'..வீம்பாக கொடுக்காமல் இருந்து விட்டு தோணும் போது மொத்தமா கொடுத்தா அது 'Excellent Step'-ஆ?இதற்கு அதிக பட்சமா 'I welcome that"-னு சொல்லியிருந்தா அதில அர்த்தம் இருக்கு .

    கமல்ஹாசன் எப்பவுமே வரம்பு மீறி புகழுரைகள் சொல்லி நான் கேட்டதில்லை..இருந்தாலும் அவர் ரஜினியை பாராட்டியதே இல்லை என்று நீங்கள் சாதிப்பது உங்கள் 'fanatism'-மை காட்டுகிறது.

    ReplyDelete
  8. ஐயா ஜோ,

    Fanatism பத்தியெல்லாம் எனக்கு தெரியாது. ஆனா, நான் சொல்ல வந்தது ஒரு படைப்பாளியாக ரஜினியை கமல் விமர்சித்ததேயில்லை என்பதுதான். ரஜினியுடனான நட்பு பற்றி கமல் நிறையவே பேசியிருக்கிறார். கமல் அளவுக்கு தான் ஒன்ணும் பெரிய நடிகரில்லை என்பதை ரஜினியே ஒப்புக்கொள்வார். இருந்தாலும், அர்த்த ஜாமத்தில் பார்க்கவேண்டிய படங்களாக தேர்ந்தெடுத்து நடிக்கும் தனுஷின் நடிப்பைப் பாராட்ட தெரிந்த கமலுக்கு.......நான் வரலை இந்த ஆட்டத்துக்கு!

    ReplyDelete
  9. Hello Joo,

    I don't know how much time you took to make the connection between the question and 'Excellent Step'. We agree that Rajini can't speak like Kamal.

    There are so many meaning for one word. but if it is said by Rajini there will be 100 more meanings for that word. Thats it nothing but.

    People don't care about Kamal speech, but still if you carefully watch his speech it is also another 'apatham' only. But we don't care.

    Thats difference.

    Thanks
    Maruthiah

    May be my english also poor...but i don't have a time to type in Tamil. if you want to fine me 100 rupees/words please come and collect :-)

    ReplyDelete
  10. ராம்கி,
    என்ன சொல்ல வருகிறீர்கள்? ரஜினி "கமல் என்னைவிட சிறந்த நடிகர்" என்று சொன்னதற்கு ,கமல் பதிலுக்கு "சே..சே!அப்படியெல்லாம் இல்லை..ரஜினிதான் என்னை விட சிறந்த நடிகர்"-னு சொன்னால் தான் பெருந்தன்மை என்று சொல்ல வருகிறீர்களா? கமல் அப்படி சொன்னால் ரஜினியை கிண்டல் பண்ணுகிறார்-னு சொல்லப்போறதும் நீங்க தான்.

    உங்கள் மேற்பார்வையில் வரும் rajinirasigan.com-ல் இந்த கட்டுரையை படியுங்கள்.
    http://rajinifans153.tripod.com/id13.html
    இதில் நட்பு பற்றிதான் பேசியிருகிறார் என்றாலும் ,ரஜினி நன்றாக நடிப்பதாக தன் தாய் குறிப்பிட்டதை மறைக்காமல் கமல் குறிப்பிட்டிருக்கிறார்..எனக்கென்னவோ ரஜினி நல்ல நடிகர் தான் என்று கமல் நம்புகிற அளவுக்கு நீங்கள் நம்பவில்லையோ என தோன்றுகிறது.

    அடுத்த தலைமுறை கலைஞரான தனுஷை கமல் பாராட்டுவது மூத்த கலைஞருக்கான மரபு. அதே கோணத்தில் தனக்கு இணையான கலைஞனை பாராட்டிக் கொண்டேயிருக்க வேண்டிய அவசியமில்லை என நினைக்கிறேன்.

    ReplyDelete
  11. இவரு அவரை புழுகனுமாம்,.. அவரு இவரை புழுகனுமாம் ..நாமெல்லாம் அதை பார்த்து ஃபுல்லரிச்சு போகனுமாம் ..

    இந்த கூத்துத்தானே தமிழ்நாட்டில் நடக்குது .. அவரு ஒருத்தரை பார்த்து கலைவானர் என்பார் அவர் இவரை பார்த்து கலையர் என்பார் . ஜால்ராக்களை தட்ட தமிழரெல்லாம் போட்டிபோடுவோம் . வெட்கம் ..

    ReplyDelete