Tuesday, February 22, 2005

சுண்டுவிரலும் டொயோட்டோ காரும்

ராத்திரி நேரத்தில் நள்ளிரவு தாண்டி எ·ப் எம் கேட்பவர்களுக்கு இது ரொம்பவே பரிச்சயம். நேரம் ஆக ஆக வெறும் பாட்டை மட்டும் ஒட விட்டுவிட்டு தொகுப்பாளர் தூங்கப் போய்விடுவார். கே. பாலசந்தருக்கும் அப்படியொரு அலுப்பு வந்ததால் எம்.எஸ்.வி - கண்ணதாசன் கூட்டணியின் கையில் லகானை கொடுத்துவிட்டு பதுங்கிப் போய்ட்டாரோ என்கிற சந்தேகம்தான், படத்தைப் பார்க்கும்போது வரும்.

வெளிநாட்டில் படம்பிடித்தது என்றாலே திரைக்கதையில் கொஞ்சம் சொதப்பித்தான் வைத்திருப்பார்கள் என்கிற இலக்கணத்திற்கு இதுவும் தப்பவில்லை. ஆஸ்தான 'கதா' நாயகன் அனந்து இருந்தும் அதே கதைதான். சிங்கப்பூர், மலேசியாவை சுத்திச் சுத்தி படம்பிடித்திருக்கிறார்கள். இருபது நிமிஷத்திற்கு ஒரு பாட்டு வருவதால் நமக்கும் ஏதோ வெளிநாட்டு கச்சேரிக்கு வந்த ·பீலிங்க்ஸ். சிங்கப்பூர் மியூசிக் சபா நுழைவாயிலையும் பிரசாத் ஸ்டுடியோ உள்ளரங்கத்தையும் இணைக்கும் எடிட்டிங் வித்தைக்கு ஒளிப்பதிவாளரும், கண்டினியூட்டி பார்த்த அசிஸ்டெண்ட் டைரக்டருக்கும் ஒரு சபாஷ் சொல்லியாகவேண்டும்.

புதுமை இயக்குநர் என்று பெயர் வாங்கியிருந்தும் புதுமையே இல்லாத கே.பியின் படம். இளைஞர்களுக்கான படம் என்றதும் ஏதாவது நல்ல விஷயத்தை சொல்லுவார் என்று நினைத்தால் பாட்டையும் கூத்தையும் காட்டி ஏமாற்றியிருக்கிறார். தனது இரண்டு சிஷ்ய கோடிகளையும் செமத்தியாக வேலை வாங்கியிருக்கிறார். நடிப்பில் அல்ல... சிங்கப்பூர் தெருக்களில் அலைய வைத்து!




இயக்கம் - கே. பாலச்சந்தர்
இசை - எம்.எஸ்.விஸ்வநாதன்
பாடல்கள் - கண்ணதாசன்
நடிப்பு - கமல்ஹாசன், ரஜினிகாந்த், ஜெயப்ரதா
படம் வெளியான ஆண்டு - 1979


படு பொருத்தமான கேரக்டரில் கமல்ஹாசன். கையில் மைக் சகிதம் காதலியாகிவிட்ட ரசிகையை நினைத்து ரெண்டு ரீலுக்கு ஒரு தடவை ஒரு பாட்டையும் மூணு ரீலுக்கு ஒரு தடவை தன்னுடைய சட்டையையும் அவிழ்த்து விட்டுக்கொண்டே இருக்கிறார். சினிமாவில் வரும் மேடைப்பாடகனுக்கே உரிய இலக்கணத்தை மீறிவிடவில்லை. ஒவ்வொரு தடவையும் ஹீரோயின் ஏமாற்றிவிட்டு போகும்போது அநாயசமாக வருகிறது நடிப்பு. ஹீரோயின் செய்யும் குழப்பத்தில் மாட்டிக்கொண்டு அடிவாங்கி அவஸ்தைப்பட்டு தன்னையும் குழப்பி நம்மையும் குழப்பி... கிளைமாக்ஸ் வரை எழுந்திரிக்க விடவேயில்லை!

டைட்டிலிலேயே 'தில்'லாக இளைஞர்களுக்கான இன்னிசை மழை என்று டைட்டில் போட்டுவிட்டுதான் ஆரம்பிப்பதால் படும் நெடுக மெல்லிசை மன்னரின் அதிரடி இசை. கூட்டணி கோரஸான 'யாதும் ஊரே' பாட்டாகட்டும் மெலடியான 'பாரதி கண்ணம்மா'வாகட்டும் கண்ணதாசன் - எம்.எஸ்வியின் கூட்டணியின் கடைசி மாஸ்டர் பீஸ் (?) களைகட்டியிருக்கிறது. 'எங்கேயும் எப்போதும்....', 'நம்ம ஊரு சிங்காரி' என ஆல் டைம் அசத்தலில் படத்தின் குறையெல்லாம் இசை வெள்ளத்தில் ஓரங்கட்டேய்!

குழப்பத்தையே குத்தகைக்கு எடுத்த மாதிரி கதாநாயகி 'சாயனோரா' ஜெயப்ரதா. அநியாயத்துக்கு கான்வென்டில் படிக்கிற குழந்தை மாதிரி இருக்கிறார். எதற்காக அந்த வில்லன் கோஷ்டி அவரை துரத்தி, துரத்தி வருகிறதுங்கிற காரணத்தை ஓரே வரியில் டயலாக்காய் கிளைமாக்ஸில் சொல்லும்போது நமக்கும் அதே ஸ்டைலில் தலையை ஆட்டத்தான் தோன்றுகிறது!

குறுந்தாடியுடன் ஜொள்ளு பார்ட்டியாக வலம் வரும் ரஜினியின் காமெடி, படத்துக்கு மிகப்பெரிய பலம். காஸெட்டில் வரும் அன்பரே..... குரலை படித்துவிட்டு உற்சாகத்தில் காலை உயர்த்தி அந்தரத்தில் பரபரக்க வைக்கும் வேகமும் அட்ரஸ் புரியாமல் அலைந்து திரிந்து அப்பாவி முகம் காட்டும் சோகமும்.... அட! சிகரெட் தூக்கி போடும் ஸ்டைலையும் சென்டிமெண்டாக, உருப்படியாக உபயோகப்படுத்தி டொயோட்டா காரை விட சுண்டுவிரலே முக்கியம்னு யதார்த்தத்தை சுவராசியமாக சொல்லத் தெரிந்த டைரக்டரின் பலமான காட்சியமைப்பில் கர்ச்சீப் திருடுவது போலவே காமெடி நடிப்பிலும் நம்மை திருடிவிடுகிறார்.

படத்தில் வரும் எல்லா கேரக்டர்களுமே எதாவது ஒரு வகையில் மனதில் சம்மணமிட்டு உட்கார்ந்துவிடுகின்றன. சின்ன ரோலில் வந்தாலும் கீதா, பூர்ணம் விஸ்வநாதன், எஸ்.வீ.சேகர் என் எல்லோருமே ரசிக்க வைக்கிறார்கள். உருண்ட விழிகளை படபடவென்று மூடித்திறந்து பகபகவென்று சிரித்து பயமுறுத்தி, ரஜினி வாய்பிளப்பது மாதிரியே நம்மையும் அசத்தலான நடிப்பில் அள்ளிக்கொள்கிறார் ஜெயசுதா. ரஜினியின் வழிசல், ஜெயசுதாவின் கடிஜோக்குகளுக்கு நடுவே காமிரா கவர் பண்ணும் சுவர் சித்திரங்கள் கவிதை ரகம். குடிபோதையில் மனைவியின் போட்டோவையெல்லாம் கிழித்துப் போட்டுவிட்டு ராத்திரி பூராவும் பாத்ரூம் பக்கெட்டில் கால்வைத்து ரணகளம் பண்ணும் 'மாமா' நடிகரும் மனசில் நிற்கிறார்.

கே.பியின் டச் இல்லாத படமென்றாலும் கே.பியின் சிஷ்ய பிள்ளைகள் கலக்கியிருக்கிறார்கள். கமலையும் ரஜினியையும் தனித்தனியாக நடிக்கவைத்து, திறமையாக வேலை வாங்கிய இயக்குநர் கே.பிக்கு இந்த படம் இனிக்க வைக்கும் நினைப்பாக இருக்காது. ·பாக்ஸ் ஆபிஸில் படத்தின் ரிஸல்ட் எப்படி? பாஸா? ·பெயிலா? படத்தோடு சம்பந்தப்பட்டவர்களிடம் கேட்டால் நிச்சயம் ஹீரோயின் மாதிரி தலையை ஆட்டிக் காட்டுவார்கள்... யாருக்கு தெரியும்? சிவ சம்போ!

15 comments:

  1. Ellam sollitu padathukku kathai vasanam ezhuthiya sujathaavai sollama vututeengale. Sollumbadi onnum illaiyo. Naan padam paakap poi eemaariyathu avar peyarai paarthuvituthaan.

    S.Thirumalai

    ReplyDelete
  2. படம் கிட்டத்தட்ட தோல்விதான். நூறு நாள்கள் ஓடவில்லை. அனேகமாக 77நாள்கள், சென்னை அலங்கார் திரையரங்கில்.

    இதற்குச் சற்று முன்பே 'பிரியா'வில் சிங்கப்பூர் காட்டப்பட்டுவிட்டதால் ரசிகர்களுக்கு படம் சலிப்பூட்டியது.

    வெளியான நேரத்தில் சென்னையில் 'பவர் கட்' இருந்தது. திரையரங்கில் ஏ.சி. திடீரென்று நின்றுபோகும். வியர்வை ஊற்றும். வியர்வையிடையே ஒரு ரசிகர் சொன்னது,

    "தேனிசை மழைல நனையலாம்னு வந்தா இவனுங்க வேர்வை மழைல நனையவுடுறானுங்க"

    'அழகே உன்னை ஆராதிக்கிறேன்' என ஒரே வரியுடன் ஹம்மிங்கை வைத்து ராஜா செய்த புதுமையை, எம்.எஸ்.வி.யும் 'நினைத்தாலே இனிக்கும்' என்னும் வரிகளையும் ஹம்மிங்கையும் வைத்து பாடல் அமைத்தது தனிக்கதை.

    ஆனந்தத் தாண்டவமோ
    ஆண்டவனார் ஆடுகிறார் காலங்களெல்லாம்..இதற்குப் பிறகு எல்.ஆர்.ஈஸ்வரி எந்த ஹிட்டும் தரவில்லை.

    அன்புடன்
    ஆசாத்

    ReplyDelete
  3. படத்தில் கமல் கதாநாயகியுடன் சுற்றும் காட்சிகள் தவிர மற்ற அனைத்து காட்சிகளூம் சூப்பர். அதுவும் ரஜினி பாடும் சிவசம்போ பாடல் கலக்கல் தான். ரஜினிக்கு இது பெயர் வாங்கி தந்த படம் என்பதில் எந்த சந்தேகமும் வேண்டாம். ரஜினி வரும் காட்சிகள் படு காமெடியான அசத்தல்.

    ReplyDelete
  4. திருமலை ஸார், நிஜமாவே மறந்துட்டேன். ப்ரியாவைவிட இது பரவாயில்லேன்னு சுஜாதா நினைச்சுருப்பாரோ என்னவோ?!

    மலரும் நினைவுகளுக்கு நன்றி ஆசாத். எம்.எஸ்வி-கண்ணதாசன் கூட்டணிக்கும் இதுதான் கடைசி ஹிட்டா? எனக்கு பிடித்த சொற்பமான டூயட் பாடல்களில் 'பாரதி கண்ணம்மா'வுக்கு தனி இடம். கண்ணதாசன் அசத்தியிருப்பாரே... அதைப் பத்தியெல்லாம் உங்களால மட்டும்தான் எழுத முடியும்.

    ReplyDelete
  5. சூப்பர் - நள்ளா எழுதி உள்ளீர்.

    ReplyDelete
  6. Idhu MSV kku 1000 maavathu padam..

    Kannadasan MSV combination kku kadaisi padam "thanneer thanneer".

    SAVI (there was a magazine in that name) magazine first issuela vanda vimarsanam indha padam than..

    konjam late aa padam parka vandavanga engeyum eppothum patta miss pannittanga..

    avvayarukku appruram niraya padalgal konda padam nnu oru vimarsarnam vandadhu..

    SPB ella female singers koodavum oru padal padinar..

    aananda thandavamo - LR easwari
    Ninaithale inikkum - S janaki
    Bharathi kannamma - P suseela
    yadum oore - vani jayaram

    idhu ennudaya favorite film.. idai pathi ezhuthinathukku nandri..

    anbudan vishy

    ReplyDelete
  7. Vishy,

    Thanks for the interesting info..keep it up

    ReplyDelete
  8. என்னங்க ராம்கி!! என்னதான் உங்களுக்கு நீங்க காலேஜ்ல் கடைசி பரிச்ச எழுதிட்டு பசங்களோட சேந்து பாத்த படம்கற மலரும் நினைவுனாலும் இவ்ளோ நாள் கழிச்சி மலர்ந்திருக்க வேணாம்... ஒரு நிமிசம் என்னைய என்னோட அண்ணாகவுத்து நாட்களுக்கே (அரடவுசர் காலத்துக்கு முன்னாடி) கூட்டிட்டு போயிட்டீங்க... அடுத்து மலர்வது உங்கள் சின்ன வயசு படமான ஹரிதாஸா :)))))))

    ReplyDelete
  9. This comment has been removed by a blog administrator.

    ReplyDelete
  10. முகமூடியாரே... கவுத்துடாதீங்க.. படம் ரீலிஸாகிறபோது எனக்கு வயசு மூணு. முதல்முதலா இந்தப் படத்தை பார்க்கும்போது வயசு எனக்கு பதிமூணு. பிழைச்சுப்போறான்னு மன்னிச்சு வுட்ருங்கோ...

    டோண்டு சார்,

    ரஜினிக்காவே ஓடின 'பொல்லாதவன்' பட விமர்சனத்துல ரஜினி பத்தி எதுவுமே ஆனந்தவிகடன் சொல்லவேயில்லையாம்! அது மாதிரி இங்கே சுஜாதா! நம்ம விமர்சனம் ஆனந்த விகடன் ரேஞ்சுக்கு இருக்குதுன்னு காலரை பிடிச்சு இழுத்து விட்டுட்டிருக்கேன்!

    ReplyDelete
  11. ரஜனி ராம்கி அவர்களே மேலே உள்ளப் பின்னூட்டம் என்னுடையது அல்ல. Please check the blogger Nos.Mine is 4800161 whereas the bogus number is 9267865. Kindly delete the bogus entry in my name.
    அன்புடன்,
    டோண்டு ராகவன்

    ReplyDelete
  12. டோண்டு ஸார்,

    விவரமா இதைப்பத்தி நீங்க எழுதியிருந்தும் ஏமாந்துட்டேன்! டெலிட் பண்ணிடறேன்! மக்களே.... ஏம்பா இப்படி இம்சை பண்றீங்க?!

    ReplyDelete
  13. Kindly see my latest posting at http://dondu.blogspot.com/2005/05/blog-post_25.html
    This is quite serious and a matter of life and death for my reputation.
    I request the whole-hearted cooperation of my blogger friends.
    As for Sujatha, it is a forgettable experience for him and is not a feather in his cap.
    Regards,
    Dondu Raghavan

    ReplyDelete
  14. அடப் பாவிகளா! என்னோட one of the favourites படத்த இப்படி கிழிக்கிறீங்களே, நியாயமா?

    சீனு.

    ReplyDelete
  15. //சூப்பர் - நள்ளா எழுதி உள்ளீர். //

    ஆனா, நீங்க "நல்லா" எழுதலையே...

    ராம்கி, உங்க profile-ல, occupation -> "வெட்டி வேலை"-னு போட்டிருக்கீங்களே, நீங்க என்ன S/W Er-ஆ?

    சீனு.

    ReplyDelete