Sunday, September 18, 2005

விகடனுக்கு ஒரு ஓ!

அரசியல் அரிச்சுவடி படிக்கும் கேப்டனை மறைந்து நின்று திகிலோடு பார்க்கும் பெரியார் வழிவந்த பெரிசுகள். வைகோ, ராமதாஸ், திருமாவளவன், இளங்கோவன் வகையறாக்கள் மட்டும் மிஸ்ஸிங். முக்காடு போட்டுக்கொண்டு மூலையில் உட்கார்ந்திருப்பது கார்ட்டூனில் வரவில்லையோ என்னவோ?! (ஆரம்பிச்சுட்டான்யா... நாயை குளிப்பாட்டி நடு வூட்ல வெச்சாலும்... புது மொழி ஏதாவது சொல்லாம்....அரசியல் வேணாம்னு சொன்னாலும் அடங்காத ராம்கி மாதிரி....ஹி..ஹி.. கரெக்டா கிருபா?) சரி, மேட்டருக்கு வருவோம். ரொம்ப நாளாவே 'வாசகர் கடிதம்' எழுதாம கை துறுதுறுன்னு இருக்குதா... அதான் களத்துல இறங்கியாச்சு!

கோடம்பாக்கம் இருக்கிறவரைக்கும் விகடனார் நம்பர் ஓன்னை தராளாமா தக்க வெச்சுக்கலாம். ஆ.வியில் சினிமா மேட்டர் தவிர வேற என்ன இருக்குதுன்னு கேட்டா பதில் சொல்றதுக்கு செளகர்யமா இருக்கும். நடிப்பு தம்பிகளை பத்தி ராஜாவும், செல்வராகவனும் உருகறாங்க. படத்துல மட்டுமல்ல பேட்டியிலும் குடும்ப 'படம்' தான். கல்யாணம் ஆவறதுக்கு முந்தி வரை மாமா ஒண்ணுமே தெரியாத ஆளா இருந்ததா கேப்டனோடு மச்சான் சொல்லியிருக்காரு. கல்யாணத்துக்கு அப்புறம் சரத்குமார் எப்படியிருக்காரோன்னு யாரும் கவலைப்படவேண்டாம்! செஞ்சரி அடிக்க வந்துட்டாரே!

விஜய், அஜீத்துக்கு ஹாய் சொல்றதும் பதிலுக்கு அஜீத் ஹலோ சொல்றதும் பத்திரிக்கையுலகத்து வட்டாரத்துல... இது மேட்டரு! 'தப்பா நெனைச்சுக்காதீங்க'ங்கிற ஒரு வார்த்தையை வெச்சுக்கிட்டு சும்மா புகுந்து விளையாடியிருப்பவர் பாக்கியம் ராமசாமி. எதுக்கெடுத்தாலும் ஆராயக்கூடாது... அனுபவிக்கணும். கமல் சொன்னது சரிதான். வாழைப்பழத்தை மட்டும் ஏன் கழுவாமல் சாப்பிடுகிறோம் என்கிற அதி புத்திசாலித்தனமான கேள்விக்கெல்லாம் மதன் மாங்கு மாங்கென்று பதில் சொல்லியே ஆகணுமா? உங்க டச்சிங் குறையுதே மதன் ஸார்?!

நீச்சல் போட்டியில் நாலு தங்கப்பதக்கத்தை கடத்திக்கொண்டு வந்த சிவரஞ்சனியை பாராட்டுவதில் தப்பில்லை. அதற்காக டூ பீஸ் உடையில் நாலு ஸ்டில்லையா போடவேண்டும்?! இதில் சிவரஞ்சனியை ஹோம்லி டால்பின் என்று வர்ணித்ததுதான் இந்தவாரத்து மெகா ஜோக்! வார்த்தையை மடிச்சு, மடிச்சு போட்டா கவிதைங்கிறதை வாலி கெட்டியா பிடிச்சுக்கிட்டாரு. கிருஷ்ண விஜயமெல்லாம் புக்கா வரும்போது படிச்சுக்கலாம்!

எங்க காதலுக்கு வில்லன்களே ரசிகர்கள்தான்னு உண்மையை (அட, அங்கேயும் அப்படித்தானா?) சொன்ன மலையாளத்து மீசை மாதவன் பேட்டி படு சிம்பிள். மூணு வருஷமா கேரளத்தை கலக்கிக் கொண்டிருப்பவரை இப்போதான் இங்கே கண்டுகொண்டிருக்கிறார்கள். இந்த வயதிலும் என்னமா இருக்காருன்னு வியக்க வைத்த நம்பியார், தகுதியுள்ள எவரையும் வரவேற்க மக்கள் தயங்கியதில்லை என்ற நடுநிலையான தலையங்கம் என சில உருப்படியான விஷயங்கள், திருஷ்டிப்பொட்டு மாதிரி!

ஒரு காலத்துல ஆ.வி ஜோக்குன்னா ஆர்வமா எட்டிப் பார்க்குறவங்களுக்கு ஒரு அவசர செய்தி. இந்த வாரத்து ஆ.வியிலிருந்து சுடச்சுட ஒரு ஜோக்.

'சாட்டிங் மூலமா ஏமாத்த பணம் பறிக்கலாம்னு பார்த்தா அவன் கில்லாடியா இருக்கானே... '

'எப்படிச் சொல்றே?'

'என் படம்னு ஜோதிகா படத்தை அனுப்பினா அவன் சூர்யா படத்தை அனுப்புறான்'

குலுங்கி குலுங்கி சிரித்த மக்களுக்கு என் ஆழ்ந்த அனுதாபங்கள். கீழ்ப்பாக்கம் போக வேன் ரெடி!

சினிமா மேட்டரையும், கடி ஜோக்குகளையும் மேய்ந்துவிட்டு ஓவென்று அழத் தயாராக இருந்தவனை சமாதானப்படுத்த ஒரு ஜில் மேட்டர். மாயவரம் ஆர்.எஸ் கிருஷ்ணா & கோவின் ஒரிஜினல் தென்னமரக்குடி எண்ணெய்தான் போயஸ்கார்டனுக்கு சப்ளை ஆகுதாம். புல்லரிக்க வைத்த விகடனாருக்கு ஒரு ஓ! (ஆப்சென்ட் ஆனதுக்கு தேங்க்ஸ் ஞாநியாரே!)

22 comments:

  1. விகடன் அது ஒரு கனாக்காலம்

    பஸ்ஸுகள் இரயில்கள் வழியே கூட இங்கு பயணிக்கும் போது படிக்கமுடிவதில்லை.சக பயணி ஏதோ மஞ்சள் பத்திரிகை என எண்ணிவிடுவாரோ எனப் பயம்.

    ReplyDelete
  2. எனக்கென்னமோ ஆனந்த விகடன் பரவாயில்லைனு தோணுது.பா.ராகவன்,எஸ்.ராமகிருஷ்ணன்,கருவாச்சி காவியம்,சுஜாதானு படிக்க நிறைய விஷயம் இருக்குதுனு நினைக்கறேன்.

    ReplyDelete
  3. This comment has been removed by a blog administrator.

    ReplyDelete
  4. Ramki,

    Really ur post reflects my mindset when i gone thro this week's issue of Anadha Vikatan

    Nearly 5-6 interviews from our future cine VIP's (???) and a interview with a swimmer of nearly 4 stills in single/two pieces and so-called jokes, are not upto the standard of vikatan ( Tho' as some one mentioned, articles from Ragavan, Sujatha, S. Ramkrishnan, Madhan and Gyani are little bit conciliatory)

    But def No comments abt Kumudam and Kungumam !!!!

    ReplyDelete
  5. Thanks. But no one makes any comment of my friend Chokkan's mini biography?!

    ReplyDelete
  6. >>அதற்காக டூ பீஸ் உடையில் நாலு ஸ்டில்லையா போடவேண்டும்?!
    4 pictures of a sportsperson in an attire of her sport that brought her laurels - I don't understand what's wrong in this. May be, you found it balsphemous based on the "preachings" of your idol on women delivered through his mega-hits of 90s!

    ReplyDelete
  7. நண்பா,
    உங்கள் வலைப்பூ அருமை. உங்கள் மனதில் பட்டதை அருமையாக எழுதி உள்ளீர்கள்...
    நான் மதுரையில் வசிக்கிறேன்.
    தங்களைப் பற்றி அறிய ஆர்வம்.
    நண்பன், நாகரத்தினம்
    snagarathinam@gmail.com

    ReplyDelete
  8. single piece or 2 piece or no piece is OK when it appears in
    rajni kanth's films but not
    otherwise, we give respect to women :)

    ReplyDelete
  9. ராம்கி அண்ணே சொல்லண்மனு நான் நினைச்சேன், நீங்க கேட்டுடீங்க. சொக்கன் தெரியாத விஷத்தைப்பத்தி எழுதலாம். பின்லேடனையோ, பெடரரையோ, பில்கேட்ஸ்ஸையோ பத்தி எழுதாம், லினக்ஸ் டோர்வல்லை பற்றியோ, இல்லை, அதுபோல் சாதித்த ஆனால் சாதாரண மக்களுக்கு தெரியாதவர்களையோ பத்தி எழுதலாம்.

    மற்றபடிக்கு, நன்றாகவே உள்ளது. உங்கள் நண்பர் எழுதுவது.

    ReplyDelete
  10. அப்பறம் நம்ப சிம்பு Hi சொல்லியும் தனுஷ் மற்றும் குடும்பத்தினர் பதில் சொல்லாம் போனதை விட்டுடிங்க. இன்னும் நடிகை வீட்டு நாயோட போட்டி தான் பாக்கி அடுத்த வாரம் வரையில் காத்திருங்க.

    ReplyDelete
  11. அப்பறம் நம்ப சிம்பு Hi சொல்லியும் தனுஷ் மற்றும் குடும்பத்தினர் பதில் சொல்லாம் போனதை விட்டுடிங்க.

    athu poona vaaram :))

    ReplyDelete
  12. 4 pictures of a sportsperson in an attire of her sport that brought her laurels - I don't understand what's wrong in this. May be, you found it balsphemous based on the "preachings" of your idol on women delivered through his mega-hits of 90s!

    single piece or 2 piece or no piece is OK when it appears in
    rajni kanth's films but not
    otherwise, we give respect to women

    ur people have u really seen the pictures of shivaranjani?

    ReplyDelete
  13. ராம்கி,

    இந்த 'சொக்கன்' யாரு?

    எழுத்தாளரா? புத்தகம் வந்திருக்கா?

    ReplyDelete
  14. Shivaranjani stills could be avoided. that was my personal opinion. I don't know how come Rajni is present here?! Siva(ra(n)jani)?!

    Thusasi akka, aiyyo...Highest No. of books published in Kizakku Pathippagam is by N. Chokkan Only!

    ReplyDelete
  15. ராம்கி,

    நேத்துதான் சென்னையிலிருந்து திரும்புன நண்பர், 'என் நிலைக்கண்ணாடியில் உன் முகம்(என். சொக்கன்)& 'எஸ்.ராமகிருஷ்ணன் கதைகள்னு
    புத்தகம் எனக்காக வாங்கிவந்ததைக் கொண்டுவந்து கொடுத்துட்ட்ப் போனார்.

    இது ரெண்டுமே கிழக்குப் பதிப்பகம்தான். நல்ல நேர்த்தியா அச்சிட்டு இருக்காங்க. 60 ரூ.ன்னா ஒண்ணுமே இல்லை.

    அதுதான் அந்தச் சொக்கனான்னு தெரிஞ்சுக்கத்தான் கேட்டேன்.

    இப்ப கொஞ்சநாளாத்தானே தமிழ் படிக்கக் கிடைக்குது.
    எல்லாம் இணையம் தந்த வரம்.

    ReplyDelete
  16. Tusasi,

    No Problem. Padinga.. Padinga..
    Chokkan is a specialist for making biography. Ambani, Narayanamoorthy, Sachin, Charlie chaplin, Shakespeare.. he has done lot of biographical books... all are top sellers of Kizakku Pathippagam.

    ReplyDelete
  17. விகடன் நாசமாய் போய் ரொம்ப நாளாச்சு ராம்கி.. நீங்க ரொம்ப லேட்டா உணர்ரீங்க...

    ReplyDelete
  18. ராம்கி நீங்க எழுதினது 100 க்கு 100 சரி. நான் என்ன நினைச்சேனோ அதை அப்படியே எழுதிட்டீங்க. உங்க விமர்சனம் எப்போவுமே நல்லா இருக்கு. வாழ்த்துக்கள் - அருள் நித்யா

    ReplyDelete
  19. உங்கள் எழுத்தோடு வரிக்கு வரி உடன்படுகிறேன்... இல்லை எழுத்துக்கு எழுத்து உடன்படுகிறேன்.. அய்யோ காற்புள்ளி கமாவெல்லாம் கண் கலங்க வைக்குதே.. உங்க கைய என் நெஞ்சுகுள்ள உட்டு வார்த்தைய பிடுங்கி எழுதுன மாதிரியே இருக்கு... உற்சாகம் பீறிடுது... சட்டைய பிச்சிகிட்டு கதறணும் போல இருக்கே...

    ReplyDelete
  20. koothu,

    in which world are you? we're living among people from the stone age. straight from the ass is one living sample.

    ReplyDelete
  21. Ananda vikadanil ippothellam "Kadha vilasam", "Oorukku Nallathu solven" pondra paguthigal nandraga irukkirathu. Melum Sirugathaigal kurainthu vittathaga unargiren.

    (Niraiya Vilambarangal. Aasiriyar kuzhu pariseelikkuma?)

    Namakkal Shibi

    ReplyDelete
  22. hi

    I gone thru your comments on vikantan it is praiseworthy i learned tamil thru vikantan in my child hood days alas now it is in pity stage, let it shakeup and awake and make it us family magazine.

    Regards

    N.LAKSHMI NARASIMHAN

    ReplyDelete