Tuesday, January 17, 2006

பொல்லாத சொல்!

மூன்றாந்தர அரசியல் கூட்டத்திற்குள் மாட்டிக்கொண்டது போல் இருந்தது. உள்ளே நுழைந்தபோது அறுபது எழுபது பேர் அமைதியாக உட்கார்ந்திருந்தார்கள். யாரோ ஒரு பெண்மணி உடைந்த தமிழில் பெண்ணுரிமை பற்றி பெருமை பேசிக்கொண்டிருந்தார். அடுத்தடுத்து மராத்தான் ரேஸ் போல மாறி மாறி பலரும் மைக் பிடித்து 'பயலுங்கோ...', 'பொறுக்கிப்பசங்க' என்று டீஜென்டான வார்த்தைகளில் திட்டி தீர்க்க ஆரம்பித்த பின்னர்தான் இலக்கிய கூட்டத்திற்கு வந்திருப்பதே உறுதியானது. சண்டைக்கோழி விவாகரத்திற்குத்தான் நாகரீகமாய் எளக்கியவாதிகள் கண்டனங்களை தெரிவித்துக்கொண்டிருந்தார்கள். வருபவர்களை குட்டி ரேவதியே முன் வந்து வரவேற்று மேடையில் உட்கார வைத்தார்.

Image hosted by Photobucket.com

வெறும் எஸ்.ராமகிருஷ்ணனை மட்டும் திட்டிக்கொண்டிருந்தால் எடுபடாது என்று நினைத்தார்களோ என்னவோ சினிமாவுக்கு எதிராய் சிக்கியிருக்கிறது விவகாரம். சினிமாவில் பெண் படைப்பாளிகளின் மீதான வன்முறையாக உருவெடுத்திருக்கிறது. மைக் பிடித்த மாதர் சங்கத் தலைவிகளின் பேச்சை பார்த்தால் கூடியே சீக்கிரமே சினிமாவில் பெண்களை சித்தரிப்பதற்கு எதிராக மாறக்கூடும். 'ஒரு பயலும் பஞ்ச் டயலாக் பேசக்கூடாது'ன்னு பணிவாய் ஒரு கோரிக்கை வைத்திருக்கிறார்கள். இலக்கிய வட்டாரத்தில் சினிமாக்காரங்களுக்கு மரியாதை ஒரு அவுன்ஸ் கூடியிருக்கிறது. சினிமாக்காரனுங்களாக ஆகியிருக்கிறார்கள்!

Image hosted by Photobucket.com

ரேவதி (குட்டி ரேவதி அல்ல!) கொடுத்த பீடிகைக்கு பின்னர் மைக்கை பிடித்தது 'வெளிநடப்பு புகழ்' பிரபஞ்சன். எஸ்.ராவின் எழுத்தை 'டவுண்லோடு' எழுத்து என்று பிரபஞ்சன் அடித்த கிண்டலுக்கு பயங்கர ரெஸ்பான்ஸ். மஞ்சள் கலர் சேலையில் பின்வரிசையில் உட்கார்ந்திருந்த அந்த குண்டு பெண்மணி குலுங்கி குலுங்கி சிரித்தார். பாதிக்கப்பட்டவராக இருக்கலாம்! குஷியான பிரபஞ்சனும் குட்டி ரேவதியை மறந்துபோய் எஸ்.ராவின் எழுத்தை விமர்சித்துக்கொண்டே போனார். பாதிக்கப்பட்ட பெண் கவிஞர்களுக்கு இப்போதைக்கு பிரபஞ்சன்தான் பிதாமகன். நிகழ்ச்சி நிரலில் வரும் மாற்றங்களெல்லாம் பிரபஞ்சனின் ஆலோசனை படிதான்.

Image hosted by Photobucket.com

வழக்கம்போல் டீஜெண்டாய் எஸ்.ராவை சாடிவிட்டு உயிர்மை பக்கம் வந்து 'கவிஞர்' மனுஷ்யபுத்திரன் என்று சொல்லி கிண்டலடித்தார் கவிஞர் இன்குலாப். எஸ்.ராமகிருஷ்ணனோடு சம்பந்தப்பட்ட எல்லா சினிமா பிரபலங்களும் இன்குலாபின் அர்ச்சனையிலிருந்து தப்பவில்லை. (உதாரணத்திற்கு... 'எஸ்.ரா, யாரை ஸார்னு சொல்றாரு தெரியுமா?'). பெண்களின் உரிமையை காப்பாற்ற களமிறங்கியிருப்பதாக துப்பட்டாவோடு வந்த ஒரு மாதர் சங்கத்தலைவி எஸ்.ராமகிருஷ்ணன், லிங்குசாமி குடும்பத்து பெண்களை முடிந்தவரை அசிங்கப்படுத்திவிட்டுதான் ஓய்ந்தார்.

Image hosted by Photobucket.com

அடுத்து பேச வந்தது மாலதி மைத்ரி. அரங்கமே அப்படியொரு அமைதியில். தலை உருண்டுவிடும் என்று பல பேர் பயந்திருக்கலாம்! மனுஷ்யபுத்திரனைப் போல் அல்லாமல் தான் இருபது வருஷமாக எழுதிக்கொண்டிருப்பதாக சந்தடிசாக்கில் ஒரு பில்ட் அப். சு.ராவிலிருந்து கி.ராவரை ஒரு லிஸ்ட்டை சொல்லி அவர்கள் போல எஸ். ராவின் எழுத்துக்கு ஒரு format கிடையாது என்றார். இங்கேயும் இன்னொரு பில்ட் அப். லிஸ்ட்டில் சு.ரா, ஜெயகாந்தனுக்கு அடுத்தபடியாக மூன்றாவது ஆளாக சீக்கிரமாகவே வந்தவர் ரமேஷ்-பிரேம்! பாவம் ஜெயமோகன், கி.ராவெல்லாம் கடைசியில்தான். பெண் கவிஞர்களை பற்றி போகிற போக்கில் விண் டிவியில் சினிமாவுக்கு பாட்டெழுதும் சினேகன் சொன்னதை சீரியஸாக எடுத்துக்கொண்டிருக்கிறார்கள். மாலதி பேச்சில் சுவராசிய சங்கதிகள் ஜாஸ்தி. உயிர்மை அரங்கில் எஸ். ராவின் அடியாட்கள் பெண் கவிஞர்களை தாக்க வந்தார்களாம். அப்படி தாக்கியிருந்தால் இந்நேரம் ஆண் இலக்கியவாதிகளெல்லாம் தலையில் துண்டுதான் போட்டுக்கொள்ள வேண்டியிருக்கும் என்றார். பக்கத்திலிருந்து அவரதுகோஷ்டியினர் அது துண்டு இல்லை துப்பட்டா என்று திருத்த... எல்லோரும் சிரித்தார்கள் எதுவும் புரியாமல்!

Image hosted by Photobucket.com

பின் வரிசையிலிருந்து ஆர்வத்தோடு முன்வரிசைக்கு வந்து மேடையேறிய அரசுவின் பேச்சில் ஆரம்பமே காரம்தான். சினிமாக்காரர்களால் ரொம்பவே பாதிக்கப்பட்ட ஆசாமி போல தெரிந்தார். இந்தப் போராட்டம் பெரிய அளவில் மாநிலம் முழுவதும் தொடர்ந்து நடைபெறவேண்டும் என்று ஆசைப்படுவதாக சொன்னார். அரசு, எழுத்தாளர் மட்டுமல்ல ஆராய்ச்சியாளரும் கூட. சமஸ்கிருதம் பற்றி மனிதர் நிறைய ஆராய்ந்து ஏழுதியிருக்கிறாராம். ஒரு சேஞ்சுக்கு தமிழ் முரசுவில் செய்தி வெளியிட்டவர்கள் பற்றி மேடையில் ஆராய்ந்து சொன்னார். தமிழ் முரசில் அந்த ரிப்போர்ட்டிங்கை செய்தது சில பார்ப்பணர்களாம். சுகிர்தராணி ஒரு தலித் என்பதால் அவரை மையப்படுத்தியிருக்கிறார்களாம். பாவம், சுகிர்தராணி! கொஞ்சமாய் நெளிய ஆரம்பித்தார். அரசுவும் தனது ஆராய்ச்சி முடிவுகளை தொடர்ந்தார். உயிர்மையில் எழுதுபவர்களும் தமிழ் முரசுவில் எழுதுபவர்களும் அடிக்கடி தனி கச்சேரியாக தண்ணீர் கச்சேரி செய்வதுண்டாம். இதையும் மேடையில் சொன்னதும் அடிக்கடி குப்புற விழுந்து கிடக்கும் பழக்கமுள்ள அந்த எழுத்தாள பிரபலம் நிறையவே நெளிந்தார்.

Image hosted by Photobucket.com

எஸ். ரா துப்பட்டாவை பற்றி எழுதியதுற்கு சுஜாதா மாதிரி அடல்ட்ஸ் ஒன்லி எழுதப்போயிருக்கலாம் என்கிற ரீதியில் கூட்டத்தில் பேசியவர்களெல்லாம் நிறைய தத்துவங்கள் பேசினார்கள். கம்யூனிஸ்ட் கட்சியின் எம்எல்ஏ பாலபாரதி, கொஞ்சம் வித்தியாசமாய் சண்டைக்கோழி படத்தின் திரைக்கதையை சாடி தேவர்மகனை நியாயப்படுத்தினார். 'இப்பக்கூட சென்ஸார் போர்டில் புகார் செய்யலாம்' என்று ஐடியா கொடுத்தவர் முன்னாள் மசாலா பட எடிட்டர் லெனின். லெனின் பேசிய பின்னர்தான் பெண் படைப்பாளிகளுக்கு இந்த ஐடியாவே தெரிய வந்திருப்பது தெரிந்தது. அடுத்தடுத்து நாற்பது பேர் மேடையேறி எஸ். ராமகிருஷ்ணனை ஆற அமர விளாசுவதற்கு முண்டிக்கொண்டு முன்வரிசைக்கு வந்தார்கள்.

'சரியோ தவறோ பிரச்னையை பெரிதுபடுத்தாமல் சம்பந்தப்பட்டவர்களே நேரடியாக சந்தித்து பிரச்னைக்கு ஒரு சுமூகமான முடிவை கொண்டு வரவேண்டுமே தவிர இப்படி பொதுவிடங்களில் பிரச்னையை பேசி மேலும் பெரிதாக்குவது எனக்கு என்னவோ நல்ல விஷயமாக தோன்றவில்லை' என்று சொல்லிவிட்டு கனமான கைதட்டலுக்கு நடுவே விடுவிடுவென்று மேடையிலிருந்து இறங்கி தனியாக நடந்து சென்ற அந்த பெயர் தெரியாத பெண் எழுத்தாளரின் குரலில் இருந்த நியாயம் மனசாட்சியை உறுத்திக்கொண்டேயிருந்தததால் வேறு வழியின்றி நானும் வெளிநடப்பு செய்ய வேண்டியிருந்தது.

33 comments:

  1. ராம்கி, பிரபஞ்சன் எஸ்.ரா.க்கு எதிராக இந்தப் பிரச்னையில் குரல் கொடுப்பது பற்றியெல்லாம் எனக்குப் பிரச்னையில்லை. அவர் குரல், அவர் கொடுக்கிறார். அவர் கால். அவர் வெளிநடப்புச் செய்கிறார். ஆனால், எஸ்.ரா.வின் எழுத்தை "டவுன்லோடு" எழுத்து என்றாரா? ஆச்சரியமாக இருக்கிறது. ஏனென்றால், பிரபஞ்சன் இங்கே (அமெரிக்கா) வந்தபோது, தமிழ்ச்சங்கங்களில் பேசியபோதெல்லாம், குட்டிக்கதைகள் சொல்வார். லத்தீன் அமெரிக்கக் குட்டிக் கதைகள். அவற்றைச் சொல்லி முடித்துவிட்டு, அவைத் தமிழில் வந்திருக்கின்றன. எஸ்.ராமகிருஷ்ணன் மொழிபெயர்த்திருக்கிறார் என்று சொல்வார். நியூ ஜெர்ஸி தமிழ்ச் சங்கத்தில் அவர் அப்படிப் பேசி நானே - என் காதாலேயே - கேட்டேன். எனக்குத் தெரிந்து இன்னும் சில தமிழ்ச் சங்கங்களிலும் அப்படிப் பேசியிருக்கிறார். நான் கூட அப்போது நினைத்ததுண்டு. பிரபஞ்சன் ஏன் தான் எழுதிய கதையைச் சொல்லாமல் மற்றவர் எழுதிய கதையைச் சொல்கிறார் என்று. அப்படி நினைத்தவுடன், "அடடே, பரவாயில்லையே, அடுத்த எழுத்தாளர் எழுதிய/மொழிபெயர்த்த கதையைப் பகிர்ந்து கொள்கிற முதிர்ச்சி பிரபஞ்சனுக்கு இருக்கிறதே" என்றும் தோன்றியதும் நிஜம். அப்படி, அப்போது மேடைப் பேச்சுக்குப் பயன்பட்ட எஸ்.ராமகிருஷ்ணனின் எழுத்து இப்போது பிரபஞ்சனுக்கு "டவுன்லோடு" எழுத்து ஆகிவிட்டதாமா? அந்த "டவுன்லோடு" எழுத்தை ஏன் அவர் அப்போது அமெரிக்க மேடைகளில் சொன்னார். சொந்தச் சரக்கை எடுத்து விட்டிருக்க வேண்டியதுதானே!

    என்னவோ போங்க. நல்ல காலம்! தமிழ்நாட்டில் இல்லை என்று சந்தோஷப்படும்படிச் செய்கிறார்கள் நம்ம எழுத்தாளர்கள். விரைவில் தமிழ்நாட்டில் இல்லாத குறையைத் தமிழ் வலைப்பதிவுகள் தீர்த்துவிடும் போலிருக்கிறது...! அல்லது ஏற்கனவே அதை வலைப்பதிவுகள் செய்துவிட்டனவா? அமெரிக்காவிற்குக் குடிபெயர்ந்திருக்கிற தமிழ் எழுத்தாளர் ஒருவர், தமிழ் வலைப்பதிவுகளைப் படிக்கும்போது, தமிழ் இலக்கியச் சூழலில் இருக்கிற உணர்வு வருகிறது என்று சொன்னது நினைவுக்கு வந்து தொலைக்கிறது. பதிவிற்கு நன்றிகள்!

    அன்புடன், பி.கே. சிவகுமார்

    ReplyDelete
  2. அப்புறம் இன்னொரு விஷயம் - இந்த "டவுன் லோடு" எழுத்து என்ற குற்றச்சாட்டு, பிரபஞ்சனுக்கும் மிகவும் பொருந்தும். அனந்தரங்கம் பிள்ளை டைரி குறிப்பை அடிப்படையாக வைத்து "அப்லோடு" (டவுன்லோடு என்ற வார்த்தையை எஸ்.ரா.வுக்கு பிரபஞ்சன் விருப்பப்படி கொடுத்துவிட்டு, அப்லோடு என்ற வார்த்தையை இவருக்கு வைத்துக் கொள்வோம் :-) ) செய்த எழுத்துகளின் மூலமே, பிரபஞ்சனுக்கு இலக்கிய அங்கீகாரமும் புகழும் பரவியது என்று யாராவது எடுத்துச் சொல்லுங்கள்.

    இன்னொன்றையும் சொல்லி விடுகிறேன். டிஸ்க்ளெய்மர் மாதிரி. இந்தப் பிரச்னையில் எனக்கும் கருத்து இருக்கிறது. ஆனால், அதற்குள் நான் நுழையவில்லை. எஸ்.ரா. தவறு செய்திருப்பதாக அவர்கள் கருதினால், அதன் பொருட்டு எவ்வளவு வேண்டுமானாலும் அவரை எதிர்க்கட்டும். இந்தப் பிரச்னைக்குத் தொடர்பில்லாமல், எஸ்.ரா.வின் எழுத்தைப் பற்றி இப்போது பஞ்ச் டயலாக்ஸ் விடுவது பம்மாத்து. அதைத்தான் நான் சொல்ல வருகிறேன்.

    அன்புடன், பி.கே. சிவகுமார்

    ReplyDelete
  3. சன்னாசிTuesday, January 17, 2006

    //பின் வரிசையிலிருந்து ஆர்வத்தோடு முன்வரிசைக்கு வந்து மேடையேறிய அரசுவின் பேச்சில் ஆரம்பமே காரம்தான்.//

    வீ.அரசு?

    எனில்

    //சினிமாக்காரர்களால் ரொம்பவே பாதிக்கப்பட்ட ஆசாமி போல தெரிந்தார்.//

    நிஜமாகவா? அப்படியா? ;-)

    ReplyDelete
  4. Ramki

    I dont know what is the feud between Prabanjan and Es Raa but when he spoke here in Bay Area, California, He praised Es Ra and Jeyamohan and told good things about their writings in public. May be some bad blood would have developed in the last 2 years. Or Prabanjan would have done some research as V.Arasu did about S,Ramakrishnan's writings.

    It seems you are having fun time over Thuppattaas and Langodus. Enjoy.

    Anbudan
    Sa.Thirumalai

    ReplyDelete
  5. 'விடாது கற்பு' எழுதும்போது இவருடைய மயிராட்டி (அல்லது மயிர் புடுங்கி) தலைவரின் 'ஆணாதிக்க' 'புஞ்சு டயலாக்குகள்' இவருக்கு மறந்து போனது போல - இவருடைய (அல்லது 'இவர்களுடைய') கற்பு சிலம்பாட்டம் வசதியாக இப்போது மறந்து போச்சு!

    ஞாநியார் இப்போது மூச்சையே காணோம்!!!

    பாப்பாத்திக்கு ஒண்ணுன்னா ஓடிவந்தவனுக(குஷ்பூவை அல்ல, சுகாசினியைக் காப்பாற்றவே இவாள் வந்தார்கள் என்பது விஷயம் புரிந்தவர்களுகுத் தெரியும!்)- இப்ப அடிச்சானுங்க பாரு அந்தர் பல்டி!

    இவரு எழுதுற நடையிலேயே தெரியுதே!

    னெதமும் ராவைக்கி தூங்கப்போரதுக்கு முன்னால ஒருக்கா குளிச்சிருங்கப்பா! சூத்திர பாஷை 'தமிள்'ல எழுதி தீட்டுப்பட்டுறப் போவுது! ;)

    ReplyDelete
  6. முக்கியமாக இன்னொன்று - தமிழ் வலைப்பதிவு உலகின் பெண்கள் எல்லாம் 'சங்கராந்தி' லீவுல போயிருக்காங்களாம்! இல்லாட்டி 'கருத்து' சொல்ல வந்திருப்பாகல்ல!

    ReplyDelete
  7. இ-சிற்றிலக்கிய சம்மேளனமான ப்ளாக் உலகில் "அரசு" இல்லாத குறைய நிவர்த்திக்க நியோ இருக்கிறார். என்ன ஒன்று ஏதாவது விவகாரம் என்றால் மட்டும் எடுக்கும் அவதாரம் போல் எப்போதாவது மட்டும் வந்து தமிழ், பாப்பான் விவகாரங்களை பேசிவிட்டு மறைந்து விடுகிறார். இனி நிரந்தரமாக இந்த சேவை செய்ய வேண்டுமாய் கேட்டுக்கொள்கிறேன்.

    வழக்கமான செக்கூலரிஸ்ட் அஜெண்டாவுல பாப்பான் பாப்பாத்தி என்று ஒரு பாட்டும், தமிழ் சூத்திர பாஷை என்று இன்னொரு பாட்டும் பாடி முடித்தாயிற்று. இதில் குஷ்பு விவகாரம் எழுதியவர்கள் இதை பற்றி எழுதுவதில்லை என்று போகும் இடமெல்லாம் பினாத்துவது நல்ல தமாஷ். இரண்டுக்கும் உள்ள ஆதார விஷயம்/வித்தியாசம் இவருக்கு விளங்கியதா, இது பற்றி எழுதப்பட்டது அனைத்தையும் இவர் படித்து விட்டாரா, எல்லாத்துக்கும் மேல் இவர் எழுதுவதை யாராவது தடுக்கிறார்களா என்று தெரியவில்லை.

    தமிழ் என்ற வார்த்தையை கண்டவுடன் உணர்ச்சிவசப்படும் குஞ்சுகளுக்காக போகிற போக்கில் தமிழ் சூத்திர பாஷை என்றொரு பிட்டும் போட்டாயிற்று. இந்த லட்சணத்தில் தமிழுக்காக உணர்ச்சிவசப்படும் இவர் பெயர் நியோ. ஸ்ப்பா கண்ண கட்டுதே.

    ReplyDelete
  8. அனந்தரங்கம் பிள்ளை டைரி குறிப்பை அடிப்படையாக வைத்து "அப்லோடு" (டவுன்லோடு என்ற வார்த்தையை எஸ்.ரா.வுக்கு பிரபஞ்சன் விருப்பப்படி கொடுத்துவிட்டு, அப்லோடு என்ற வார்த்தையை இவருக்கு வைத்துக் கொள்வோம் :-) ) செய்த எழுத்துகளின் மூலமே, பிரபஞ்சனுக்கு இலக்கிய அங்கீகாரமும் புகழும் பரவியது என்று யாராவது எடுத்துச் சொல்லுங்கள்.

    பிரபஞ்சன் 1970களில் கவனம் பெற்றவர்.1980களில் இன்னும் பரவலான கவனமும்,அங்கீகாரமும் பெற்றார்.அதற்கு அந்த நாவலும் ஒரு காரணம்.அதை தவிர்த்துவிட்டுப் பார்த்தாலும் அவர் எழுத்துக்களின் தரம் தெரியும்.குறிப்பிடத்தகுந்த சிறுகதைகளையும் அவர் எழுதியிருக்கிறார்.
    ஆகையால் பி.கே.சிவகுமாரின் கருத்தை ஏற்க இயலாது.

    ReplyDelete
  9. >> தமிழ் என்ற வார்த்தையை கண்டவுடன் உணர்ச்சிவசப்படும >>

    யாரய்யா 'உணர்ச்சி' வசப்படுவது?!!

    பார்ப்பன 'குஞ்சுகள்' போலத்தான் தெரியுது! சக குஞ்சுகளுக்காக 'ஆதார' வேறுபாட்டை (சுஜாதாவை ரொம்பப்ப்ப்ப் படிக்காதீங்கப்பேய்!) 'உரை' எயுதி காட்டி சந்தோசப்பட்டுக்கோங்க!

    இன்னும் ரொம்ப நாட்களுக்கு இந்தத் தமாசப் பாத்து ரசிக்க நாங்க ரெடி!

    :)

    ReplyDelete
  10. //தமிழ்நாட்டில் இல்லை என்று சந்தோஷப்படும்படிச் செய்கிறார்கள் நம்ம எழுத்தாளர்கள். விரைவில் தமிழ்நாட்டில் இல்லாத குறையைத் தமிழ் வலைப்பதிவுகள் தீர்த்துவிடும் போலிருக்கிறது...! //

    சந்தோஷமாவும் இருக்காம் .குறையாவும் இருக்காம்..PKS மாதிரி இலக்கிய வாதிகள் எழுதுவது ராம்கி மாதிரி இலக்கிய வாதிகளுக்கு மட்டுமே புரியும் போல..என்னவோ போங்க!

    ReplyDelete
  11. வெங்காயம்Tuesday, January 17, 2006

    என் ரெண்டு செண்ட்(நோனி இண்டியன் குஞ்சு சண்டைக்கு வந்துரப் போகுது!) என்னன்னாக்கா...

    1)எஸ்ரா தெரிந்து செய்தாரோ தெரியாம செய்தாரோ...அல்லது செய்யவில்லையோ.. சக எழுத்தாளர் என்ற வகையில் 'குட்டி ரேவதி.. உங்கள் மனம் புண்பட்டிருந்தால் வருந்துகிறேன்!"ன்னு சொல்லி இருக்கலாம்.

    2)பிகேஎஸ் பேச்சில் எப்போதாவதுதான் உண்மை வரும் என்பதால் அவரின் மறுமொழியை ஜோக்காக எடுத்துக் கொள்கிறேன்.

    3)நியோ சொல்வது சிந்திக்கத் தூண்டியது.

    4)முகமூடி, திருமலை போன்ற பார்ப்பான்கள் உளறுவதை காது கொடுத்து கேட்டால் காதின் உள்ஜவ்வுக்கு நோய் வரும் என்பதால் நான் படிக்கவில்லை.

    என்னமோ தெரில... இப்பல்லாம் ஆளாளுக்கு எல்க்கியம் பேசுறாய்ங்கெ...

    ReplyDelete
  12. புகைப்படங்களுக்கும் பதிவுக்கும் நன்றி.

    ---கூடியே சீக்கிரமே சினிமாவில் பெண்களை சித்தரிப்பதற்கு எதிராக மாறக்கூடும்---

    அன்புமணிக்கு அடுத்த ஆயுதம் தயார்? பெண்களை மதித்து நடத்துவதாக திரைப்படத்தில் காட்டினால், அது எதார்த்தமாக இராதே? இயல்பான சினிமாவை இவர்கள் விரும்பவில்லையா என்று யாரும் கேள்வி எழுப்பவில்லையா!

    உயிர்மை விழாவில்தான் எதிர்வாதங்களைக் கேட்க இடம் கொடுக்கவில்லை. இங்கு அதற்கு வழி செய்து கொடுத்திருந்தார்களா?

    ReplyDelete
  13. பெண் எளக்கியவாதிகளுக்கு எதிரான நிலையை நீங்க எடுக்க என்ன காரணம்?
    ராமகிருஷ்ணன் தலைவரை சார் போட்டது உங்களை ராமகிருஷ்ணனை ஆதரிக்க சொல்கிறதா?

    அப்புறம் வலைப்பதிவுலக குட்டி இலக்கியவாதிகளின் தமாசும் சூப்பரோ சூப்பரபு.....

    ReplyDelete
  14. ராம்கி,

    இது கிண்டலடிக்க வேண்டிய விஷயமில்லை. உங்கள் பதிவு முழுக்க ஒரே எள்ளலாக இருக்கிறது. விவாதங்கள் ஏதோ ஒரு சின்ன பொறியில்தான் ஆரம்பிக்கும். இப்போது அது சண்டைக்கோழியில் தொடங்கியிருக்கிறது. தவறொன்றுமில்லை. தமிழகப் பத்திரிகைகள் எல்லாம் அது ஒரு "சண்டை" என்ற அளவில் சுவாரசியம் பெற்று, பக்கம் பக்கமாக இடம் அளித்துள்ளன. ஆனால், அந்தச் சுவாரசியம் போய், சீரியஸ்னஸ் வரும்போது, யாருமே காணமாட்டார்கள்.

    இந்த விவாதமே பல விஷயங்களை வெளிச்சத்துக்குக் கொண்டுவந்துள்ளன.
    1. பெண்கள் எழுத்தை வாய்க்கு வந்தபடி பேசுவது (விமர்சனம் என்று நான் சொல்லவில்லை)
    2. ஜெயமோகன் மற்றும் எஸ்.ராமகிருஷ்ணனின் தரம் பற்றிய நிலைப்பாடுகள்
    3. புரையோடிப் போயிருக்கும் பொய்கள்

    எங்கோ ஓரிடத்தில் இவையெல்லாம் விவாதம் செய்யப்பட்டால்தான், அடுத்த கட்டத்துக்குப் போக முடியும். நவீன இலக்கிய சரித்திரத்தில், இதுபோல் சண்டைகள், தொடர்ந்து நடந்து வந்திருக்கின்றன. மதிப்பீடுகள் மறுபரிசீலனை செய்யப்பட்டிருக்கின்றன. அடுத்த கட்ட பாய்ச்சல்கள் சாத்தியமாகியிருக்கின்றன.

    அந்த அரங்கில் யார் எப்படி பேசினார்கள் என்று சொல்வதைவிட, உங்கள் எள்ளல்தான் இந்தப் பதிவில் அதிகம் தெரிகிறது. உங்களுக்கு இந்த விவாத்தில் ஒப்புதல் இல்லையேல் நஷ்டம் ஒன்றுமில்லை. ஆனால், அதை இழிவுபடுத்த வேண்டாம்.

    நேசமுடன்
    வெங்கடேஷ்

    ReplyDelete
  15. இந்த விவாதமே பல விஷயங்களை வெளிச்சத்துக்குக் கொண்டுவந்துள்ளன.
    1. பெண்கள் எழுத்தை வாய்க்கு வந்தபடி பேசுவது (விமர்சனம் என்று நான் சொல்லவில்லை)
    2. ஜெயமோகன் மற்றும் எஸ்.ராமகிருஷ்ணனின் தரம் பற்றிய நிலைப்பாடுகள்
    3. புரையோடிப் போயிருக்கும் பொய்கள்

    எங்கோ ஓரிடத்தில் இவையெல்லாம் விவாதம் செய்யப்பட்டால்தான், அடுத்த கட்டத்துக்குப் போக முடியும். நவீன இலக்கிய சரித்திரத்தில், இதுபோல் சண்டைகள், தொடர்ந்து நடந்து வந்திருக்கின்றன. மதிப்பீடுகள் மறுபரிசீலனை செய்யப்பட்டிருக்கின்றன. அடுத்த கட்ட பாய்ச்சல்கள் சாத்தியமாகியிருக்கின்றன.

    Mr.Venkatesh do you really think that fans of superstar and fans of literary stars will understand this.Do you expect Mr.Jeyamohan and
    Mr.S.Ramakrishnan will take a stand
    on your questions.

    ReplyDelete
  16. பிகேஎஸ் & திருமலை, முக்கியமான விஷயத்தை பகிர்ந்து கொண்டிருக்கிறீர்கள். நன்றி. இலக்கியவாதிகளின் விவாதத்தில் இது எதிரொலிக்கிறதா என்று கொஞ்சம் பொறுத்திருந்து பார்ப்போம்.

    நியோ, ஆணாதிக்க டயலாக் விஷயத்தில் எனக்கு இரண்டாவது கருத்து உண்டு. மிகவும் நெருக்கமானவர்களுக்கு அது தெரியும். அதையெல்லாம் பதிவு செய்யவேண்டிய இடம் இது அல்ல என்பது எனது தாழ்மையான அபிப்பிராயம்.

    ஞாநியாரும் பேசியிருக்கிறார். எனக்குதான் இருந்து பார்த்து ரசிக்க கொடுத்து வைக்கவில்லை!

    பாபா, எதிர்வாதங்களை பதிவு செய்ய எளக்கியவாதிகள் இடம் கொடுப்பதில்லை. நான் கடைசி பத்தியில் சொல்லியிருந்த அந்த பெண் எழுத்தாளர் பேசி முடித்த பின்னர், பலரின் முறைப்புக்கு ஆளானது சத்தியமான உண்மை.

    முத்து, 'பெண் எளக்கியவாதிகள்' என்று கவனமாக சொன்னதுக்கு நன்றி. 'பெண்களுக்கு எதிரான நிலை' என்று சொல்லியிருந்தால் நான் பேஜாராகியிருப்பேன்! உங்க லாஜிக்கை நிறைய பேர் ஏத்துப்பாங்க.. ஆனா, இதுக்காக மெனக்கெட்டு அந்த கூட்டத்துக்குள்ள உட்கார்ந்து... நம்புங்க ஸாரே!

    ReplyDelete
  17. வெங்கடேஷ், கருத்துக்கு நன்றி. ஓவர் எள்ளலை தவிர்த்திருக்கலாம். யாரையும் நோகடிக்காது என்று நம்புகிறேன். நீங்கள் சொல்லியிருக்கும் மூன்று விஷயங்களை முக்கியமாக நினைக்கிறேன்.

    1. வாய்க்கு வந்தபடி பேசுவது, நிச்சயமாக கண்டிக்க வேண்டிய விஷயம். குட்டி ரேவதியின் போராட்டம் இதே வழியில் சென்றால் தமிழ் எழுத்தாளர்கள் அனைவரும் ஆதரிக்க வேண்டிய விஷயம்.

    3. பொய்கள், இதுதான் பிரச்னை. ஆனால், சம்பந்தப்பட்டவர்கள் எவரும் விஷயத்தை அத்தனை சீரியஸாக எடுத்துக்கொள்ளவில்லை என்பதை மட்டும் நாம் பதிவு செய்தே ஆகவேண்டும். இறுக்கமாக இருந்தால்தான் அது கண்டனக்கூட்டம். எல்லோரும் சிரித்துக்கொண்டு, துண்டு, துப்பட்டா என்று வார்த்தை vளையாடிக்கொண்டு, 'பொறுக்கி' என்றெல்லாம் விளித்து சபையோரை சிரிக்க வைத்தால்.....?!

    2. இது ரொம்ப முக்கியமான விஷயம். சண்டைக்கோழி படத்தின் காட்சி எஸ். ராமகிருஷ்ணன் என்கிற படைப்பாளியின் படைப்புகளின் மீதான விமர்சனத்தை ஆரம்பித்து வைத்திருப்பது ஆரோக்கியமான விஷயமா? மனதுக்கு கஷ்டமாக இருக்கிறது. எங்கோ ஓரிடம் என்றாலும் இந்த இடம் சரியான இடமாக இருக்குமா என்பதை மனது ஒப்புக்கொள்ள மறுக்கிறது. (இதே நிலை நிச்சயம் ஜெயமோகன்களுக்கும் வரும்) இந்த நேரத்தில் எஸ். ராவின் படைப்புகளை நம்மால் நேர்மையாக மறுபரிசீலனை செய்ய முடியுமா? நிஜமாகவே எஸ். ரா படைப்பாளிகளை கிண்டலடிக்க நினைக்கிறாரோ? சண்டைக்கோழி வசனத்திற்கு முன்பாக அதை முயற்சி செய்திருக்கிறாரா? பிரச்னைகளை இனிமேல் நாலு சுவற்றுக்குள் பேசி முடிக்க இலக்கியவாதிகளால் முடியாதா? நிறைய கேள்விகள்.

    ReplyDelete
  18. அவளும் அவ மூஞ்சியும்....
    இதெல்லாம் இழிவுபடுத்துதல்ல. வர்ணனைன்னு வெச்சுக்கலாம்.

    ReplyDelete
  19. //முத்து, 'பெண் எளக்கியவாதிகள்' என்று கவனமாக சொன்னதுக்கு நன்றி. 'பெண்களுக்கு எதிரான நிலை' என்று சொல்லியிருந்தால் நான் பேஜாராகியிருப்பேன்! உங்க லாஜிக்கை நிறைய பேர் ஏத்துப்பாங்க.. ஆனா, இதுக்காக மெனக்கெட்டு அந்த கூட்டத்துக்குள்ள உட்கார்ந்து... நம்புங்க ஸாரே!//

    ராம்கி இந்த எளக்கியவாதிகள் என்று பதத்திற்கு அதிக அர்த்தம் கொடுக்கவேண்டாம்.

    பெண்களுக்கு எதிரான நிலை உங்களுடையது என்றெல்லாம் நான் உளற விரும்பவில்லை( எனக்கு இதைப்பற்றி உங்கள் கருத்துக்கள் தெரியாது என்பதால் மட்டும்).

    என் லாஜீக்கை பற்றி சொன்னீங்க...ஆனா அதுக்காக மெனக்கெட்டு அந்த கூட்டத்திற்கு நான் போவேனா என்கிறீர்கள்..இல்லை..அதற்காக போகவில்லை....ஆனால் நீங்கள் ரிப்போர்ட் பண்ணிய விதத்தில் எஸ.ராவுக்கு ஆதரவான ஒரு குரல் தெரிகிறது.( அவர் படைப்புகளை
    விமர்சனம் பண்ண வேண்டிய நேரம் இது அல்ல என்பதையும் ஒத்துக்கொள்கிறேன்)
    எஸ.ராவை நீங்கள் இந்த இடத்தில் ஆதரிக்க வேண்டியதின் அவசியம் என்ன என்று நான் நினைத்ததைத்தான் எழுதினேன்.(உரிமையை எடுத்துக்கறதுதானே தமிழ் பண்பாடு)

    வேற எங்க எப்படி பெண் எழுத்தாளிகள் நியாயம் கேட்க முடியும்?

    நீங்க பல பேர் பாக்கற சினிமாவுல நக்கல் அடிப்பீங்க..ஆனா அவங்க உங்க வீட்டில் வந்து உட்கார்ந்து காபி குடிச்சிட்டு வசனத்தை நீக்க சொல்லி மன்றாடுனுமா?

    ReplyDelete
  20. Muthu,

    Thanks for your response.

    //எஸ.ராவை நீங்கள் இந்த இடத்தில் ஆதரிக்க வேண்டியதின் அவசியம் என்ன என்று நான் நினைத்ததைத்தான் எழுதினேன்.

    I don't feel that i'm supporting S. Ramakrishnan here and there is no need for that also.. I like to make the issue in 3 episodes.

    1. Condemn by the writers and the same was conveyed to S. Ra.

    2. Statements issued by S. Ramakrishnan clarifiying his role

    3. Protestation by the writers in Uyirmai function

    4. Chasing of S. Ramakrishnan in Mount Road

    5. Accuse of S.Ra & whoever related to him

    I don't have any second opinion upto incident no. 3. I feel that it was dragged to somewhere else.

    Pl. note that no one has discussed about either Suhasini or Kushboo's way of acting & quality of their ventures during last month protest. I hope that same may be followed in this episode also. Let us c.

    ReplyDelete
  21. //4. Chasing of S. Ramakrishnan in Mount Road//

    Are you sure this happened?

    //5.Accuse of S.Ra & whoever related to him //

    If prabanjan can be targetted for supporting women poets then why not?

    //I feel that it was dragged to somewhere else. //

    Do you think it is dragged into brahmin and non-brahmin issue..i donot think so..but if it turns into one then it is highly condemnable....( is S.Ramakrishanan a brahmin?)

    //Pl. note that no one has discussed about either Suhasini or Kushboo's way of acting & quality of their ventures during last month protest. I hope that same may be followed in this episode also. Let us c.//

    why one should discuss suhasini's or kushboo's way of acting and quality of ventures for their outbursts..i think it is correct to discuss their way of life only.....

    ReplyDelete
  22. ரொம்ப முக்கியமான கேள்வியைக் கேட்டிருக்கிறார் தமிழினி முத்து. என்ன தமிழினி பதிப்பகத்துல வேல செய்யறீங்களா? அப்ப ராமகிருஷ்ணனின் சாதி தெரிஞ்சுருக்கணுமே. அவர் பிராமணர் இல்ல. தேவர். போதுமா?

    ReplyDelete
  23. //5.Accuse of S.Ra & whoever related to him //

    If prabanjan can be targetted for supporting women poets then why not?

    I meant accusing of S. Ra & his ventures in the condemn meeting held on this Monday. No one blamed Prabhanjan for supporting women poet. Personally i don't agree with his way of expressing his condemn against S. Ramakrishnan and i have made the same in Maalan's blog itself.

    //Pl. note that no one has discussed about either Suhasini or Kushboo's way of acting & quality of their ventures during last month protest. I hope that same may be followed in this episode also. Let us c.//

    why one should discuss suhasini's or kushboo's way of acting and quality of ventures for their outbursts..i think it is correct to discuss their way of life only

    This is what i meant...i don't think it is right time to talk about his writing style or quality of his ventures.

    There is one more questions remains :-

    Is there any negotiating activities initiated by either Women Poet or Uyirmai side?!

    ReplyDelete
  24. Ramki

    I clearly see a plot by Sun TV and its magazines mafia here. Below are some samples about their blackmail strategies.

    1. When they want to bring bad repute to Kushbu and there by degrading the image of JJ TV they blew her speech out of proportion using their yellow eveninger Tamil Murasu. They made it as if that was the most serious issue for Tamil Nadu

    2. When Cheran refused to oblige their demand, he was maligned in Tamil Murasu. Tamil Murasu started publishing all negative vimarsanams on Thavamai Tavam movie. They took the negative views from Thinnai and Theem Thirigida to bring a low image on Cheran's movie. It was a clear blackmail on him.

    3. When Vijay did not oblige Sun TV's demand, he was harassed by the income tax dept and they stopped the release of his new movie. Now he fell in line and appeared in Sun TV

    4. When S.Ra did not write in Kungumam, he is targetted and they are twiting his arm using their blackmail paper Tamil Murasu.

    So Tamil Murasu is being used as a blackmail newspaper by the goons of Sun TV and companies. Mu Ka, Marans are running this media mafia to threaten whomever they dont like or from whomeever they want favour from. You will be attacked the moment you say NO to any of their demands. D company was doing the same thing in Bombay, MK and company is doing it in Chennai, what a big difference between these dangerous mafias?

    Any Tamilian with minum self respect will boycott Sun TV and it's mafia brother magazines. They would strangulate any voice. S.Ra may be wrong and should take responsibilty for those dialogues. But he is paying a price for something else that is nothing to do with Kutti Revathi. Nobody can live peacefully and safely in Tamil Nadu if they dare not to fall on the feets of Sun TV mafia.

    ReplyDelete
  25. ராம்கி
    நீங்க தமிழில் எழுதுங்க. உங்க இங்கிலிபீஸீ ஒரு எழவும் புரியலைல்லை. உங்க தலைவர் படங்களில் பேசற காமெடி இங்கிலீஸை வீட கஷடமாக இருக்கிறது நீங்கள் எழுதுவது புரிந்துக் கொள்ள

    ReplyDelete
  26. //உங்க இங்கிலிபீஸீ ஒரு எழவும் புரியலைல்லை

    Appo... en "tamil" puriyuthaa? :-)

    ReplyDelete
  27. This comment has been removed by a blog administrator.

    ReplyDelete
  28. Oops !
    கமெண்ட் தப்பான இடத்தில் போட்டுட்டேன். மன்னிசுக்கு இராம்கி !

    ReplyDelete
  29. Anand,

    ethuvum thappe kidayathu!

    ok. coming back to the point...

    enga english vathiyar paatha romba santhosha paduvaar... "improve" aiyurukkeennu thaan :-)

    ReplyDelete
  30. // "improve" aiyurukkeennu thaan :-)


    ஹி ஹி நிறைய ஸ்மைலி போட்டுக்கிறேன்
    :-) :-)

    ReplyDelete
  31. எழுத்தாளரைக் கேளுங்கள் > பிரபஞ்சன்

    "வணிகப்பத்திரிகைகள் கொஞ்சம் சிறுபத்திரிகைகளை நோக்கி வர வேண்டிய கட்டாயம் ஏற்பட்டுள்ளது. வணிகப்பத்திரிக்கைகள் இதுகாறும் தந்து விற்ற சரக்குகள் இன்று விளறி நயிந்து போயின. எனவே, இயல்பாகவே அவர்கள் வித்தியாசமாக தரமான படைப்புகளைத் தரவேண்டிய கட்டாயத்திற்கு உள்ளார்கள். எனவேதான், ஜெயமோகனும், ராமகிருஷ்ணனும் பத்திரிக்கையின் உள்ளே போக முடிந்தது. அண்மையில் ராமகிருஷ்ணன் விகடனில் எழுதிய கட்டுரைத் தொடர் மிகப்பெரும் வரவேற்பை இருவருக்கும் தந்துள்ளது. இதன் பொருள் வாசகர்கள் தரமானதை ரசிக்கும் மனோபாவத்தில் இருக்கிறார்கள் என்பதாம். எனக்கு தமிழ் வாசகர்கள் மேல் நம்பிக்கை உள்ளது. நல்ல விஷயங்களை அவர்கள் வாங்கிக் கொள்ளத் தயாராக இருக்கிறார்கள். "

    "உடனடி கவனம் பெறப் பலர் நினைக்கிறார்கள். அதுக்காகச் சதா கைதட்டிக் கொண்டோ, சத்தம் எழுப்பிக் கொண்டோ கலைகிறார்கள். ஒருவர் மேல் விழுந்து பிராண்டுகிறார்கள் அல்லது சொரிந்து விடுகிறார்கள். சில போது, இவர்கள் எழுத்தாளர்களாகவும் இருக்கிறார்கள்"

    ReplyDelete
  32. கேள்வி: தமிழின் பின்நவீனத்துவ எழுத்தாளர்களாகிய நீங்கள், உலக அளவிலுள்ள தத்துவார்ந்த விசயங்களையும் நுட்பங்களையும் கற்றுணர்ந்து வந்துள்ளீர்கள். தமிழின் சிந்தனைத் தளத்திலும் புத்தர், அம்பேத்கர், பெரியார் குறித்தெல்லாம் விவாதித்தும் எழுதியும் வருகிறீர்கள். சமீபகாலமாக பெரியார் குறித்த கடும் விவாதங்கள் புயலைக் கிளப்புகின்றன. பெரியார் குறித்த உங்களது விமர்சனப் பார்வையை இந்தத் தருணத்தில் முன்வைப்பதுதானே சரியானது?

    ரமேஷ் - பிரேம் பதில்: பெரியார் ஈ.வெ.ராமசாமியை விமர்சித்து ஒதுக்கும் அளவுக்கு எங்களுக்குத் தெரிந்தவரை தமிழ்நாட்டில் அறிவுஜீவியோ அரசியல் தலைவரோ இதுவரை உருவாகவில்லை. தமிழ் அறிவுச்சூழலும் மிகப்பெரும் பாய்ச்சலை நிகழ்த்தி வேறு தளத்திற்குச் சென்றுவிடவில்லை.

    பெரியார் தமிழரல்ல. தமிழகத்திலுள்ள யாதொரு சாதியையும் சேர்ந்தவருமல்ல. அவருடைய குரல் வந்த இடத்திலும் ஒரு குறிப்பிட்ட சாராருக்காக ஒலித்ததே இல்லை. இந்தவிதத்தில் தமிழகத்தில் மட்டுமல்ல. இந்தியாவிலேயே இவருக்கு உதாரணமாகச் சொல்ல வேறு ஆள் இல்லை.

    பெரியார் பேசியது ஒட்டுமொத்தத் தமிழருக்கு ஒட்டுமொத்தத் திராவிடருக்கு. அவர் தலித்துகளுக்கு எதிரானவராகவும் பெண்களுக்கு எதிரானவராகவும் ஒரு சிலரால் முன்வைக்கப்படும் கருத்துகள் யாவும் அபத்தமானவை. இதை பெண்களே எதிர்க்கிறார்கள். சமீபத்தில் கவிஞர் மாலதிமைத்ரி தனது ‘விடுதலையை எழுதுதல்’ கட்டுரைத் தொகுப்பை பெரியாருக்குச் சமர்ப்பித்திருக்கிறார்.

    பெரியார் நிர்வாணமாக ஜெர்மனியில் நின்றது என்பது ஒரு மிகப்பெரும் துறவுநிலை. அது பாலிச்சை விழைவு அல்ல. மகாவீரருக்குப் பிறகு இந்தியத் துணைக்கண்டத்தில் தனது பிறப்புறப்பை மறைக்காமல் நின்ற சமூக ஆளுமை பெரியார் மட்டுமே. அந்த புகைப்படத்தை வெளியிடும் துணிவு பெரியாரியவாதிகளுக்கு இருந்தது. ஏனெனில் பெரியாரை முழுமையாக உள்வாங்கியவர்கள் எல்லாவித சமூக மதிப்பீடுகளுக்கும் அப்பாற்பட்டவர்கள். தோழர் ஆனைமுத்துவைப் போல.

    இன்று பெரியாருக்கு எதிராக முன்வைக்கப்படும் கருத்துக்கள் யாவும் பெரியாருடைய தனிப்பட்ட வாழ்க்கை சார்ந்த ஒழுக்க மதிப்பீடுகளே. பெரியாருடைய தனிப்பட்ட வாழ்க்கை சார்ந்த ஒழுக்க மதிப்பீடுகளே. இந்தக் கருத்துக்கள் அவருடைய வெளிப்படையான ஒளிவு மறைவற்ற எழுத்துக்களிலிருந்தே தொகுத்தும் திரித்தும் எடுக்கப்படுகின்றன. பெரியாரே வெளிப்படையாகத் தன்னைத் திறந்துகாட்டிய பிறகு அவருடைய கூற்றிலிருந்தே எடுத்து அவரை பாலியல் ஒழுக்கமற்றவர் எனக்கூறுவது அபத்தமானது.

    பெரியார், தமிழ் பின்நவீனவாதி. கடல் போல பேசியும் எழுதியும் செயல்பட்டுமிருக்கிறார். அவரது மிகப்பெரும் சிந்தனா வாழ்வின் ஒவ்வொரு வாக்கியத்தையும் காலவரிசைப்படி பொருள்கொள்ளவேண்டும். அதைத் தவிர்த்து வரலாற்றுப் புரட்டலில் ஈடுபடும் அரைவேக்காட்டு அறிவுஜீவிகளால் ஒரு சமூகக் குற்றத்தைத்தான் செயல்படுத்த முடியும். ‘ராமசாமி சொல்கிறானென்று எதையும் நம்பாதே’ இப்படி யாரும் உலக அளவில் தன்னை நிராகரித்தவரில்லை.

    பெரியார்கோட்பாட்டளவில் மட்டுமே செயல்பட்ட ஒரு மனிதர். அவர் ஆசைப்பட்டிருந்தால் தமிழகத்தின் முதலமைச்சராகியிருப்பார். ஆனால் அவரோ ஒரு நாடோடிச் சிந்தனாவதி. பார்ப்பனீயத்தைக் கட்டுடைத்ததில் அண்ணல் அம்பேத்கருக்கு இணையானவர்.....

    ReplyDelete