Tuesday, May 30, 2006

மெரீனா பீச்சில்...

அதைப் பற்றி சொல்லாமலே இருந்திருக்கலாம். இப்போதுதான் உறைக்கிறது. எப்போதும் அவ்வளவு சீக்கிரம் வெளியே வராதது புதிதாக நெஞ்சுக்குழி வரை வந்து நெருடியதால் கேட்டுத் தொலைக்க நேர்ந்துவிட்டது. உச்சி வெய்யிலில் பட்டப்பகலில் பகிரங்கமாக நடப்பதை கண்டு கொள்ளாமலே கிளம்பியிருக்கலாம்! நம்ம சுழி என்றைக்கு சும்மா இருந்திருக்கிறது. 'இந்த லவ்வர்ஸ்க்கு வேற இடமே கிடையாதா... இங்கே வந்து அசிங்கம் பண்ணுதுங்க...' பளிச்சென்று முகத்திலடித்தாற்போல் ஒரு பதில் வரும் எதிர்பார்க்கவேயில்லை. 'உன்னால முடியலைங்கிறதுக்காக அடுத்தவங்களை ஏன் குறை சொல்றே?'

Photobucket - Video and Image Hosting

உடனே ஒரு பிகரை தேடிப்பிடித்தாகவேண்டும் என்று விபரீதமாய் முடிவெடுக்காத மனசாட்சியே நீ வாழ்க! என்னதான் நெத்தியடியாக சொன்னாலும் கூடவே வந்த நண்பனின் பதிலில் நியாயமிருக்கிறது. அடுத்தவர்களின் சுதந்திரத்தில் தலையிட நமக்கென்ன உரிமையிருக்கிறது? சம்பந்தப்பட்டவர்களுக்கு நான் என்ன மாமாமனா, மச்சானா? யாரோ எப்படியோ இருந்துவிட்டு போகட்டுமே என்று கொஞ்சம் உணர்ச்சிவசப்படாமல் வாய் மூடி இருந்திருக்கலாம். பேசுவதற்கு முன்னர் நமக்கு தகுதி இருக்கிறதா என்று பார்த்துவிட்டே பேச வேண்டும் என்று சொன்ன அந்த ஒன்பதாம் கிளாஸ் (கேயார்) வாத்தியார் சொன்னதை எப்போதும் மறப்பதில்லை. அதனாலேயே பல நேரங்களில் எதைப்பற்றியும் பேச முடியாமலே போய்விடுகிறது. எப்படியாவது தப்பித்தவறி பேசினாலும் இதுமாதிரி சறுக்கல்களை சந்திக்க வேண்டியிருக்கும் என்பதும் இன்னொரு காரணம்.

குறைவாக பேசி நிறைய சாதிக்கும் பெரிய மனிதர்களை பார்த்தால் பொறாமையாகத்தான் இருக்கிறது. தலையில் இடியே வந்து விழுந்தாலும் எதைப்பற்றியும் கவலைப்படாமல் இருப்பதற்கு அசாத்திய பொறுமை அவசியம். எந்த அர்த்தத்தில் சொன்னாலும் அனார்த்தமாகிவிடும் உயரத்திலிருக்கும் மனிதர்களுக்கு எதுவுமே அக்னிப்பரீட்சைதான். எந்தப் பிரச்னைக்கும் நிரந்தர தீர்வே இல்லை என்கிற நிலையில் இன்ஸ்டெண்ட் தீர்வு என்று சொன்னால் பிரச்னையைப்பற்றி பேசாமலிருப்பதுதான். சரி பேசாமலே இருந்துவிடலாம் என்றால் பக்கத்து வீட்டுக்காரர் பயமுறுத்துகிறார். முக்கியமாக அவர் சொல்லும் சைக்காலஜி. எப்போதும் பேசாமலிருந்தால் இன்·பீரியாரிட்டி காம்ப்ளக்ஸாக இருக்கும்; அல்லது சுப்பீரியாரிட்டி காம்ப்ளக்ஸாக இருக்குமாம்! அட, இதுக்கு எதையாவது உளறி தள்ளிக்கிட்டே இருக்கலாம்!

Photobucket - Video and Image Hosting

ரொம்ப பிடிச்ச பன்ச் டயலாக்தான் ஞாபகத்துக்கு வருது. எது நடந்தாலும் எந்த எதிர்பார்ப்பும் வெச்சுக்காம அப்படியே அள்ளிவிட்டுக்கிட்டே போவது. பெர்னாட்ஷா சொன்னதை கொஞ்சம் புரட்டிப்போட்டு சொன்ன பன்ச் டயலாக்குதான்.

'இந்த உலகமே நாடகம். நாமெல்லோரும் நடிகர்கள். அலைகள் வந்து வந்து போகும். ஆனால் கடல் மட்டும் மாறாம அப்படியோ இருக்கும். நடிகர்கள் மாறிக்கிட்டே இருப்பாங்க. நாடகம் நடந்துகிட்டேயிருக்கும். ஆண்டவன் நமக்கு கொடுத்த பாத்திரங்களை அவனுக்கு பிடிச்ச மாதிரி செஞ்சாத்தான் நமக்கு அவன்கிட்ட இடம் கிடைக்கும்... நல்லா இருங்க!'

26 comments:

  1. புரிஞ்சா மட்டும் போதுமா? பேருதான் பெத்தப்பேரு.... மாயவரத்து மருமகளாம்! என்ன பிரயோசனம்? :-)

    ReplyDelete
  2. புரிகிறது????

    ReplyDelete
  3. //புரிஞ்சா மட்டும் போதுமா? பேருதான் பெத்தப்பேரு.... மாயவரத்து மருமகளாம்! என்ன பிரயோசனம்? :-)//

    :))

    ReplyDelete
  4. பீச்சிலெ மட்டுமா? பார்க்,ரோடுலெ
    எல்லா இடத்திலேயும் தான்.கஷ்டமா தான் இருக்கு. எதைத் தேடி இவ்வளவு வேகமாகப் போகிறார்கள்?என்க்கு மயவரம் மருமகள் புரியவில்லை. அது நானில்லை.:-)))))))))
    மனு

    ReplyDelete
  5. நான் நம்ப மாட்டேன். இதுல ஏதோ உள்குத்து இருக்கிறது. சரியா ராம்கி?

    ReplyDelete
  6. சத்தியமா புரியலைங்க சாமி!

    ReplyDelete
  7. // புரிஞ்சா மட்டும் போதுமா? பேருதான் பெத்தப்பேரு.... மாயவரத்து மருமகளாம்! என்ன பிரயோசனம்? :-) //

    அதானே :))

    ReplyDelete
  8. Ramki,

    Don't fret too much. This also shall pass. Take it easy ;-)

    Anbudan,

    LA Ram

    ReplyDelete
  9. you said

    உடனே ஒரு பிகரை தேடிப்பிடித்தாகவேண்டும் என்று விபரீதமாய் முடிவெடுக்காத மனசாட்சியே நீ வாழ்க!

    friend,

    it's hard to believe that you don't have girl friend(!!!), But I believe that you already have one, that's why you didn't think about the girl friend?, when I saw your sister's marriage photos in the blog, I doubted about you, now you arge on your track, advance wishes.

    -siddhu

    ReplyDelete
  10. என்னங்க இது? ரஜினி மட்டும் ஸ்வேதா, நயன் தாரான்னு புதுப் புது ஹீரோயினாப் பிடிக்கிறாரு? நீங்க என்னடான்னா, மெரினா பீச்சுக்கு நண்பனோட போனதை எல்லாம் பதிவு போட்டுகிட்டு!!

    அதான் லைன் க்ளியர் ஆய்டுச்சே, எதுக்கு வெய்ட்டிங்??

    ReplyDelete
  11. சரி சரி விடுங்க. எல்லாம் கொஞ்ச நாள்ல கூடி வரும்.

    ReplyDelete
  12. எதுக்குப்பா இந்த ஃபிகரு கிகரு எல்லாம்?
    அதான் ரூட் க்ளியர் ஆயிருச்சே.

    அப்பாஅம்மா மருமகளைத் தேடிக்கிட்டு இருங்காங்கன்னு இங்கே டிவியிலே சொல்லிட்டாங்க.:-)))

    வரப்போறவங்களும் 'மாயவரத்து மருமகள்'தானே?

    ReplyDelete
  13. Onnume Puriyale ulgathile :):)

    ReplyDelete
  14. சரி சரி என்ன உள்குத்து?

    ReplyDelete
  15. மாமியை காணோம்!

    வள்ளி, நெசமாவே நீங்க என்னை மாதிரி கொழந்தையா?

    சந்தடி சாக்குல எல்லெராம் வந்துட்டு போய்ட்டார்.. புஸ்தகம் எப்படி போவுது சார்?

    சிபி, கண்ணாலம் ஆயிடுச்சா? கோயம்புத்தூர் மாப்பிள்ளையா நீங்க?

    மாயுரம் சரவணன்? அட்டென்ஷன் மாயவரத்தாரே!

    ReplyDelete
  16. டேய் சித்து, அழுதுடுவேன்!

    பொன்ஸ், தலைவருக்கு கைதட்டுவாங்க... எனக்கு கைய ஒடிப்பாங்க!

    கொசப்பேட்டை... அனுபவமா? இப்படித்தான் ஒரு கொயிஞ்சாமி போன மாசம் காணாம் போனான்!

    துளசியக்கா, வர்றவங்களுக்கு இருக்கட்டும். (ஓரேயடியா) போறவங்களுக்கு கிடையாதா?

    ரிஷி, எனக்கும்தான்! :-)

    பாலமுருகன், நெசமாவே.. நீங்க விடாகண்டந்தான். பெங்களுர்ல மழை உண்டா? (ரூட்டை மாத்தியாச்சு!)

    ReplyDelete
  17. பொன்ஸ், ஸ்வேதா இல்லங்க, ஸ்ரேயா. எங்க மறுக்கா சொல்லுங்க ஸ்ரேயா. தலைவரின் ஹீரோயின் பெயரை தப்பா சொல்ல கூடாது.
    ராம்கி, புரிஞ்ச மாதிரியும் இருக்கு. புரியாதா மாதிரியும் இருக்கு. அடேய்........
    என் ரூட் கிளியர் ஆயிடுச்சு. கவனிங்கடானு சொல்லுற மாதிரி இருக்கு..........

    ReplyDelete
  18. //பொன்ஸ், ஸ்வேதா இல்லங்க, ஸ்ரேயா. எங்க மறுக்கா சொல்லுங்க ஸ்ரேயா. தலைவரின் ஹீரோயின் பெயரை தப்பா சொல்ல கூடாது.
    //

    சரிங்க சிவா,.. ஸ்ரேயா.. ஓகேவா?! (ஒரே அழுமூஞ்சி.. அதெயெல்லாம் எப்படிங்க செலக்ட் பண்ணினாங்க??)

    சரி, யாரு யாரை follow பண்றாங்கன்னு இப்போ சந்தேகமா இருக்கு :)

    ReplyDelete
  19. டண் டண் டண் டக்கா... டண் டண் டண் டண்..

    டண் டண் டண் டக்கா... டண் டண் டண் டண்..

    டண் டண் டண் டக்கா... டண் டண் டண் டண்..

    புரியலே.. புரியலே.. எனக்கு ஒண்ணும் புரியலே.! (தினமும் மூணு மணி நேரம் 'செல்லிட தொலைபேசி'யிலே மூச்சு காத்து சத்தம்கூட வராம பேசுறது மேற்படி மெரினா நண்பரோட தானா ராம்கி?!)

    ReplyDelete
  20. //சிபி, கண்ணாலம் ஆயிடுச்சா? கோயம்புத்தூர் மாப்பிள்ளையா நீங்க?
    //

    நான் சேலத்து மாப்பிள்ளையாகி அன்சி வருஷம் ஆச்சி ராம்கி!

    :-)

    அப்படியே தெரியாத மாதிரி கேப்பாருங்க!

    ReplyDelete
  21. இந்த கடற்கரை மணலில் காலடித்தடம் பார்த்ததும் ஒரு கவிதை உதித்தது(உடனே எல்லாம் கவிதை எழுத நான் ஒன்றும் ஆசு கவி அல்லா என் வலைப்பதிவில் கொஞ்ச நாள் முன்னர் போட்டது தான் ஹெ ...ஹெ.. ஹே மறு ஒளிபரப்பு!)

    சிப்பிக்குள் முத்து!

    கடலை விட்டுப் பிரிந்தாலும்

    கடலோசையை சங்கு துறப்பதில்லை

    உன்னை விட்டுப் பிரிந்தாலும்

    உன் நினைவுகள் அலையடிப்பது ஓய்வதில்லை!

    கடல் நீரின் உப்பு போல கலந்து விட்ட

    நினைவுகள் கண்ணுக்கு தெரிவதில்லை!

    கரையைத் தொட்டு தொட்டு செல்லும் அலைகள்

    கடலை விட்டு விலகி செல்வதில்லை

    ஒவ்வொரு அலைகளும் மணல் வெளியில்

    பதிந்து விட்ட கால் தடங்களை அழித்து சென்றாலும்

    என் மன வெளியில் அழிவதில்லை உன் நினைவு தடங்கள்!

    மனக்கடலின் ஆழத்தில் சிப்பிக்குள் முத்தென

    உன் நினைவுகளை சுமந்து கொண்டு உறங்குகிறேன்!

    ReplyDelete
  22. //என் ரூட் கிளியர் ஆயிடுச்சு. கவனிங்கடானு சொல்லுற மாதிரி இருக்கு//

    நாகப்பட்டினம் வந்து தனியா கவனிக்கிறேன்

    //ஒரே அழுமூஞ்சி.. அதெயெல்லாம் எப்படிங்க செலக்ட் பண்ணினாங்க??)

    ஒ.. பொன்ஸ், இன்னும் உங்களுக்கு வயசு இருக்குதோ?

    ReplyDelete
  23. //டண் டண் டண் டக்கா... டண் டண் டண் டண்..

    டண் டண் டண் டக்கா... டண் டண் டண் டண்..

    டண் டண் டண் டக்கா... டண் டண் டண் டண்..//

    டி.ராஜேந்தர் மாயவரத்துல நிக்காம இருந்திருக்கலாம் :-)


    //மெரினா நண்பரோட தானா

    ஆகா... கிளம்பிட்டாருய்யா! :-)


    //அன்சி வருஷம் ஆச்சி ராம்கி!

    அலுப்பா சொல்றீங்களா இல்லை சந்தோஷமா சொல்றீங்களா.. புரியலையே! :-)

    //கரையைத் தொட்டு தொட்டு செல்லும் அலைகள் கடலை விட்டு விலகி செல்வதில்லை//

    :-) Super!

    ReplyDelete
  24. ////ஒரே அழுமூஞ்சி.. அதெயெல்லாம் எப்படிங்க செலக்ட் பண்ணினாங்க??)

    ஒ.. பொன்ஸ், இன்னும் உங்களுக்கு வயசு இருக்குதோ?
    //
    எதுக்குங்க?? சுத்தமா புரியலை..

    ReplyDelete
  25. //ஒ.. பொன்ஸ், இன்னும் உங்களுக்கு வயசு இருக்குதோ?
    //

    :-))

    ReplyDelete